WTC Final: ‘రోహిత్‌ శర్మకు అదే సమస్య’ 
close

తాజా వార్తలు

Published : 15/06/2021 01:12 IST

WTC Final: ‘రోహిత్‌ శర్మకు అదే సమస్య’ 

న్యూజిలాండ్‌ ఆల్‌రౌండర్‌ స్కాట్‌ స్టైరిస్‌ ఏమన్నాడంటే?

ఇంటర్నెట్‌డెస్క్‌: మరో నాలుగు రోజుల్లో ప్రారంభమయ్యే ప్రపంచ టెస్టు ఛాంపియన్‌షిప్‌ ఫైనల్లో టీమ్‌ఇండియా ఓపెనర్‌ రోహిత్‌ శర్మ స్వింగయ్యే బంతిని ఆడటానికి కష్టపడొచ్చని కివీస్‌ ఆల్‌రౌండర్‌ స్కాట్‌ స్టైరిస్‌ అంచనా వేశాడు. సౌథాంప్టన్‌ వేదికగా జూన్‌ 18 నుంచి భారత్‌, న్యూజిలాండ్‌ జట్లు ఏజియస్‌ మైదానంలో ఛాంపియన్‌షిప్‌ తుదిపోరులో తలపడనున్న సంగతి తెలిసిందే. మరోవైపు ఆ ఫైనల్‌ మ్యాచ్‌కు ఫాస్ట్‌, బౌన్సీ పిచ్‌ను సిద్ధం చేస్తున్నట్లు ఇప్పటికే పిచ్‌ క్యూరేటర్‌ సైమన్‌ లీ మీడియాకు వివరించడంతో అది రోహిత్‌ను ఇబ్బంది పెట్టొచ్చని స్టైరిస్ అభిప్రాయపడ్డాడు.

‘రోహిత్‌ ఎలా ఆడతాడనేది పిచ్‌మీద ఆధారపడి ఉంటుంది. ఒకవేళ బంతి స్వింగైతే అతడికి కష్టాలు తప్పకపోవచ్చు. బ్యాటింగ్‌ చేసేటప్పుడు ఇన్నింగ్స్‌ ప్రారంభమైన కొద్దిసేపు హిట్‌మ్యాన్‌ క్రీజులో కాళ్లు కదపడు. అదే జరిగితే బౌలర్లు స్వింగయ్యే బంతులేస్తే అతడు ఇబ్బందులు పడే అవకాశముంది. ఇక న్యూజిలాండ్‌ ఫాస్ట్‌ బౌలింగ్‌ విషయంలోనూ ఏ దాపరికం లేదు. టిమ్ సౌథీ, ట్రెంట్‌ బౌల్ట్‌ ఆడే అవకాశం ఉంది. జేమీసన్‌ లేదా డి గ్రాండ్‌హోమ్‌ మూడో పేసర్‌గా ఉండొచ్చు. తర్వాత నీల్‌వాగ్నర్‌ ఉన్నాడు. అతడు మధ్య ఓవర్లలో కోహ్లీ లాంటి వికెట్లు తీయొచ్చు’ అని స్టైరిస్‌ చెప్పుకొచ్చాడు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని