Sachin: పెద్ద పులులను చూడటం అమితానందం

తాజా వార్తలు

Published : 30/07/2021 01:10 IST

Sachin: పెద్ద పులులను చూడటం అమితానందం

ఇంటర్నెట్‌డెస్క్‌: వన్య మృగాలైన పులులను సంరక్షించుకోవాల్సిన బాధ్యత అందరిపైనా ఉందని, అడవుల మనుగడకు అవి కూడా కారణమని క్రికెట్‌ దిగ్గజం సచిన్‌ తెందూల్కర్‌ అన్నారు. నేడు అంతర్జాతీయ పులుల దినోత్సవం సందర్భంగా ఇన్‌స్టాగ్రామ్‌ వేదికగా ఓ పోస్టు చేసిన మాస్టర్‌ బ్టాస్టర్‌.. ఒకానొక సమయంలో తాను సందర్శించిన తబోడా-అంధేరీ టైగర్‌ రిజర్వ్‌ ఫొటోలను అభిమానులతో పంచుకున్నారు. ఈ సందర్భంగా వాటి ఆవశ్యకతపై అవగాహన కల్పించే ప్రయత్నం చేశారు. అలాగే పెద్ద పులులను చూడటం ఎప్పటికీ అమితానందం కలిగిస్తుందని వ్యాఖ్యానం జతచేశారు.

మరోవైపు ప్రధాని నరేంద్రమోదీ సైతం పులుల సంరక్షణపై ఓ పోస్టు పెట్టారు. ‘అంతర్జాతీయ పులుల దినోత్సవం సందర్భంగా వన్యమృగాల ప్రేమికులకు, వాటిని సంరక్షించడానికి అంకితభావంతో పనిచేస్తున్న వారికి అభినందనలు. ప్రపంచవ్యాప్తంగా ఉన్న 70శాతం పులులకు నిలయమైన భారత్‌లో.. టైగర్‌-ఫ్రెండ్లీ ఇకో సిస్టమ్‌ వాతావరణం కల్పించేందుకు కట్టుబడి ఉన్నా’మని మోదీ ట్వీట్‌ చేశారు. కాగా, ఇటీవల అంతరించిపోతున్న వన్య మృగాల్లో పులులు మొదటివరుసలో ఉన్నాయనే సంగతి తెలిసిందే. ఈ క్రమంలోనే వాటిపై అవగాహన కల్పించేందుకు ఏటా జులై 29న అంతర్జాతీయ పులుల దినోత్సవం నిర్వహిస్తున్నారు.





Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని