INDvsSL: లంక క్రికెటర్లు బయో బుడగకే

తాజా వార్తలు

Published : 07/07/2021 01:26 IST

INDvsSL: లంక క్రికెటర్లు బయో బుడగకే

ఇంటర్నెట్‌డెస్క్‌: ఇంగ్లాండ్‌ పర్యటన ముగించుకొని శ్రీలంకకు తిరిగొస్తున్న ఆ జట్టు ఆటగాళ్లు మంగళవారం ఇళ్లకు వెళ్లకుండా బయోబుడగలోకే అడుగుపెడతారని ఆ బోర్డు అధికారి ఒకరు తాజాగా వెల్లడించారు. ఒక బుడగ నుంచి మరో బుడగలోకి ప్రవేశిస్తారని చెప్పారు. మరో వారంలో టీమ్‌ఇండియాతో పరిమిత ఓవర్ల క్రికెట్‌ ఆడనున్న నేపథ్యంలో వారికి కరోనా పరీక్షలు నిర్వహిస్తున్నట్లు చెప్పారు. ఇప్పటికే ఆదివారం ఇంగ్లాండ్‌తో మూడో వన్డేలో ఆడిన శ్రీలంక ప్రస్తుతం ఆందోళనలో ఉంది. తాజాగా నిర్వహించిన కరోనా పరీక్షల్లో ఇంగ్లాండ్‌ జట్టులోని ముగ్గురు ఆటగాళ్లు, నలుగురు సహాయక సిబ్బంది వైరస్‌ బారిన పడ్డారు.

‘శ్రీలంక జట్టు మంగళవారమే కొలంబో చేరుకుంటుంది. వారు ఇక్కడ దిగగానే ఆర్టీ-పీసీఆర్‌ పరీక్షలు జరుపుతాము. తర్వాత నేరుగా మరో బుడగలోకి ప్రవేశిస్తారు. ఆదివారం ఇంగ్లాండ్‌తో వన్డే సిరీస్‌ ముగిసిన తర్వాత మా ఆటగాళ్లు స్వదేశానికి తిరిగి ప్రయాణమయ్యే ముందు కూడా ఒకసారి పరీక్షలు చేశారు. వచ్చేవారమే టీమ్‌ఇండియాతో వన్డే సిరీస్‌ ప్రారంభమవుతున్న నేపథ్యంలో ఆటగాళ్లెవరూ తమ ఇళ్లకు వెళ్లడంలేదు. వాళ్లంతా ఒక బబుల్‌ నుంచి మరో బబుల్‌లోకి అడుగుపెడుతున్నారు. ఒకవేళ ఎవరైనా కరోనా బారిన పడితే  వైద్యం అందించేందుకు వీలుగా తగిన ఏర్పాట్లు ఉంటాయి. ఆటగాళ్లని ఐసోలేషన్‌లో ఉంచడం, పాజిటివ్‌గా తేలిన వారికి సరైన వైద్య సహాయం అందించడం జరుగుతుంది’ అని అధికారి చెప్పుకొచ్చారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని