INDvsSL: శ్రీలంక ఆటగాళ్లపై మురళీధరన్‌ ఫైర్‌

తాజా వార్తలు

Published : 14/07/2021 01:19 IST

INDvsSL: శ్రీలంక ఆటగాళ్లపై మురళీధరన్‌ ఫైర్‌

ఇంటర్నెట్‌డెస్క్‌: శ్రీలంక సీనియర్‌ ఆటగాళ్లపై ఆ జట్టు స్పిన్‌ దిగ్గజం ముత్తయ్య మురళీధరన్‌ ఆగ్రహం వ్యక్తం చేశాడు. సెంట్రల్‌ కాంట్రాక్ట్‌ విషయంలో పలువురు లంక ఆటగాళ్లకు, ఆ దేశ క్రికెట్‌ బోర్డుకు చాలా రోజులుగా వివాదం కొనసాగుతున్న సంగతి తెలిసిందే. ఈ నేపథ్యంలోనే ఇంగ్లాండ్‌ పర్యటనకు ముందు ‘టూర్‌ కాంట్రాక్ట్‌’ లెక్కన ఒప్పందం చేసుకున్న ఆటగాళ్లు ‘సెంట్రల్‌ కాంట్రాక్ట్‌’కు ససేమిరా అన్నారు. చెల్లింపుల విషయంలో స్పష్టత లేదనే కారణంగా చాలా మంది ఆటగాళ్లు నిరాకరించినట్లు సమాచారం. ఈ విషయంపై స్పందించిన మురళీధరన్‌ తాజాగా ఓ టీవీ ఛానెల్‌తో మాట్లాడుతూ సీనియర్లపై మండిపడ్డాడు.

యువ క్రికెటర్లు ‘సెంట్రల్‌ కాంట్రాక్ట్‌’ చేసుకోకపోవడానికి సీనియర్లే కారణమన్నాడు. అందరికీ బోర్డు అవకాశం కల్పించిందని, అయినా పలువురు సీనియర్లు ఎవరినీ ఒప్పందం చేసుకోనివ్వలేదని మురళీధరన్‌ అన్నాడు. ప్రదర్శన ఆధారంగా ఆటగాళ్లకు చెల్లింపులు జరిపే నూతన విధానం తీసుకురావడంతో ఇటీవల కొందరు సీనియర్లకు తక్కువ మొత్తం అందిందని, అందువల్లే ‘సెంట్రల్‌ కాంట్రాక్ట్‌’కు ఎవరినీ ఒప్పుకోనివ్వలేదని చెప్పాడు. మరోవైపు కొందరు ఆటగాళ్లు ‘సెంట్రల్‌ కాంట్రాక్ట్‌’కు ఒప్పుకున్నా ఇప్పుడు బోర్డు ‘టూర్‌’ ప్రాతిపదకన మాత్రమే చెల్లింపులు జరపాలని నిర్ణయించినట్లు వివరించాడు. దాంతో టెస్టు క్రికెట్‌ మాత్రమే ఆడే సీనియర్లు నష్టపోతున్నారన్నాడు. ఇక ఈనెల 18 నుంచి టీమ్‌ఇండియాతో ఆడే పరిమిత ఓవర్ల సిరీస్‌లకు లంక ఆటగాళ్లు టూర్‌ ప్రాతిపదికన ఒప్పందం చేసుకున్నట్లు తెలిసింది.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని