Sushil Kumar: బాకీ చెల్లించమంటే సుశీల్‌ దాడి

తాజా వార్తలు

Updated : 31/05/2021 13:14 IST

Sushil Kumar: బాకీ చెల్లించమంటే సుశీల్‌ దాడి

ఇంటర్నెట్‌ డెస్క్‌: రెజ్లర్‌ సుశీల్‌ కుమార్‌ నేర స్వభావ ఘటనలు ఒక్కొక్కటిగా బయటపడుతున్నాయి. స్టేడియంలోనే  కాకుండా బయటా అతడి ప్రవర్తన కటువుగానే ఉండేదని సమాచారం. బాకీ పడ్డ రూ.4లక్షల సొమ్మును చెల్లించాలని కోరగా ఓ దుకాణాదారుడిని అతడు తీవ్రంగా కొట్టాడని తెలుస్తోంది. భయపడ్డ అతడు అప్పట్నుంచి డబ్బులు అడగడం మానేశాడట.

చాలాకాలంగా ఛత్రసాల్‌ స్టేడియంలోనే సుశీల్‌ కుమార్‌ సాధన చేసే సంగతి తెలిసిందే. అక్కడ శిక్షణ తీసుకొనే రెజ్లర్లకు సమీపంలోని ఓ దుకాణాదారు నిత్యావసరాలు సరఫరా చేస్తుండేవారు. తర్వాత డబ్బులు తీసుకొనేవారు. ఈ క్రమంలోనే సుశీల్‌ కుమార్‌కు ఆయన నిత్యావసరాలు, ఎండు ఫలాలు సరఫరా చేశాడు. అతడు డబ్బులు చెల్లించకపోవడంతో రూ.4 లక్షల వరకు బాకీ పడ్డాడు. డబ్బులు చెల్లించాలని కోరగా సుశీల్‌ తనపై దాడి చేశాడని సదరు దుకాణాదారు మీడియాకు చెప్పాడు. ఆ తర్వాత అతడి మిత్రులూ బెదిరించేవారని వెల్లడించాడు. భయపడ్డ అతడు రెండు నెలల తర్వాత ఫిర్యాదు చేయగా పోలీసులు కేసు నమోదు చేసేందుకు నిరాకరించారని తెలపడం గమనార్హం.

సాగర్‌ రాణా హత్య కేసులో సుశీల్‌పై ఉచ్చు బిగుస్తోంది. ప్రత్యక్ష సాక్షులు అతడికి వ్యతిరేకంగా వాంగ్మూలాలు ఇచ్చారని తెలిసింది. అంతేకాకుండా గ్యాంగ్‌స్టర్లతో అతడి సంబంధాలను వెలికి తీస్తున్నారు. అతడితో సహా తొమ్మిది మందిని అరెస్టు చేశారు. మరో ముగ్గురి కోసం వెతుకుతున్నారు. వేగంగా దర్యాప్తు చేస్తున్నారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని