T20 worldcup: ఐపీఎల్‌ దారిలోనే టీ20 ప్రపంచకప్‌!

తాజా వార్తలు

Updated : 26/06/2021 16:39 IST

T20 worldcup: ఐపీఎల్‌ దారిలోనే టీ20 ప్రపంచకప్‌!

త్వరలో అధికారిక ప్రకటన: జై షా

ఇంటర్నెట్‌ డెస్క్‌: ఈ ఏడాది అక్టోబర్‌-నవంబర్‌ నెలల్లో భారత్‌లో నిర్వహించాల్సిన టీ20 ప్రపంచకప్‌ను యూఏఈకి మార్చే అవకాశాలున్నాయని బీసీసీఐ కార్యదర్శి జై షా ప్రకటించారు. భారత్‌లో కరోనా వ్యాప్తి నేపథ్యంలో వేదికను అక్కడికి మార్చే అవకాశాలపై పరిశీలిస్తున్నట్లు చెప్పారు. ఆటగాళ్ల ఆరోగ్యం, భద్రత ముఖ్యమని.. ఈ క్రమంలోనే కరోనా పరిస్థితులను జాగ్రత్తగా పరిశీలిస్తున్నామని షా పేర్కొన్నారు. వేదిక మార్పుపై త్వరలోనే అధికారిక నిర్ణయం ప్రకటిస్తామని ఆయన వెల్లడించారు. ఇదిలా ఉండగా, ఇటీవల ఐపీఎల్‌ 14వ సీజన్‌ సైతం కరోనా కేసుల కారణంగానే వాయిదా పడింది. ఆ మెగా టోర్నీని కూడా యూఏఈలోనే నిర్వహించాలని బీసీసీఐ తగిన ప్రణాళికలు రూపొందిస్తోంది. సెప్టెంబర్‌ 19 నుంచి అక్టోబర్‌ 15 మధ్య ఐపీఎల్‌ నిర్వహించాలని చూస్తోంది. దీని తర్వాత అక్కడే పొట్టి ప్రపంచకప్‌ను కొనసాగించాలని బీసీసీఐ భావిస్తోంది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని