ఎవరడిగినా భారతీయులమని గర్వంగా చెబుతాం.. 

గణతంత్ర దినోత్సవం సందర్భంగా క్రికెటర్ల శుభాకాంక్షలు..

ఇంటర్నెట్‌డెస్క్‌: దేశ ప్రజలకు టీమ్‌ఇండియా క్రికెటర్లు గణతంత్ర దినోత్సవ శుభాకాంక్షలు తెలిపారు. భారత్ నేడు 72వ గణతంత్ర దినోత్సవం జరుపుకొంటున్న సంగతి తెలిసిందే. ఈ సందర్భంగా సచిన్‌, సెహ్వాగ్‌, హర్భజన్‌, గౌతమ్‌ గంభీర్‌, మహ్మద్‌ కైఫ్‌, యువరాజ్‌ సింగ్‌, రోహిత్‌ శర్మ, విరాట్‌ కోహ్లీ, యుజువేంద్ర చాహల్‌, సురేశ్‌రైనా, రిషభ్‌పంత్‌ సామాజిక మాధ్యమాల్లో ఫొటోలు పంచుకొని శుభాకాంక్షలు చెప్పారు.

> భారత్‌ అంటే ప్రేమ, గర్వం, ఇష్టం.. అందరికీ గణతంత్ర దినోత్సవ శుభాకాంక్షలు.-రోహిత్‌ శర్మ

> ఈరోజు మనం ఏం చేస్తామో దానిపైనే భవిష్యత్‌ ఆధారపడి ఉంది. దేశం ఉన్నత శిఖరాలకు చేరడానికి మనమంతా కలిసి కట్టుగా ఉందాం. ప్రతి ఒక్కరికీ గణతంత్ర దినోత్సవ శుభాకాంక్షలు. జై హింద్‌. -విరాట్‌ కోహ్లీ

> అందరికీ గణతంత్ర దినోత్సవ శుభాకాంక్షలు. భారత దేశం పాటిస్తున్న విలువలు..మనకు మార్గనిర్దేశం చూపే కాంతిగా ఉండాలని ఆకాంక్షిస్తున్నా.  -సచిన్‌ తెందూల్కర్‌

> ఈ 72వ గణతంత్ర దినోత్సవం సందర్భంగా దేశాభివృద్ధికి కృషి చేసిన ప్రతి ఒక్కరికీ సెల్యూట్‌. ఈ విపత్కర సమయంలో మనమందరం తోటివారికి అండగా నిలుద్దాం. హ్యాపీ రిపబ్లిక్‌ డే. -సురేశ్‌ రైనా

> అందరికీ గణతంత్ర దినోత్సవ శుభాకాంక్షలు, వేడుకలు జరుపుకొన్నాక ఎవరూ జాతీయ జెండాలను రోడ్లపై పడేయొద్దని విజ్ఞప్తి.  -వీరేంద్ర సెహ్వాగ్‌

> గొప్ప దేశానికి వేలాది వందనాలు. భారత్‌ ఇంకా అభివృద్ధి చెందాలి. ప్రతి ఒక్కరికీ గణతంత్ర దినోత్సవ శుభాకాంక్షలు. -యుజువేంద్ర చాహల్‌

> మనం ఈ దేశ బిడ్డలం. అందుకు గర్వపడుతున్నాం. మూడు రంగుల జెండా మా దేశ గుర్తింపు. అదే మా హిందూస్థాన్‌. దేశభక్తుల త్యాగాల వల్ల మనకు స్వాతంత్ర్యం లభించింది. ఎవరడిగినా భారతీయులమని గర్వంగా చెబుతాం. గణతంత్ర దినోత్సవ శుభాకాంక్షలు.-హర్భజన్‌సింగ్‌.

> ప్రజల గొంతుకలో పరమాత్ముని స్వరం దాగి ఉంటుంది. ప్రతి ఒక్కరికీ గణతంత్ర దినోత్సవం శుభాకాంక్షలు. జై హింద్‌. -గౌతమ్‌ గంభీర్‌

> సగర్వంగా మువ్వన్నెల జెండాను పట్టుకోవడానికి మించి క్రీడాకారులకు ఏదీ ఎక్కువ కాదు. ఈ గణతంత్ర దినోత్సవం రోజు మన గొప్ప దేశం గురించి సెలబ్రేట్‌ చేసుకోవాల్సింది చాలా ఉంది. రిపబ్లిక్‌ డే శుభాకాంక్షలు.  -మహ్మద్‌ కైఫ్‌

> భారత దేశానికి ప్రాతినిధ్యం వహించడం నా జీవితంలో గొప్ప గౌరవం. నేనెక్కడ ఉన్నా ఎగురుతున్న త్రివర్ణ పతాకాన్ని చూస్తే నా గుండెలో ఊహించని విధంగా గర్వం ఉప్పొంగుతుంది. మనమంతా ఈ దేశాన్ని మరిన్ని ఉన్నత శిఖరాలకు తీసుకెళ్లాలి. -యువరాజ్‌ సింగ్‌

> టీమ్‌ఇండియాకు ప్రాతినిధ్యం వహించే అనుభూతికి ఏదీ చేరువ కాదు. హ్యాపీ రిపబ్లిక్‌ డే -రిషభ్‌పంత్‌

ఇవీ చదవండి..
రఫేల్‌.. రామమందిరం..గణతంత్ర విశేషాలు!
సారీ ఇండియా.. రాలేకపోయాను!