Paralympics: స్వర్ణంతో అదరగొట్టిన కృష్ణ నాగర్‌

తాజా వార్తలు

Updated : 05/09/2021 11:47 IST

Paralympics: స్వర్ణంతో అదరగొట్టిన కృష్ణ నాగర్‌

టోక్యో: పారాలింపిక్స్‌లో భారత్‌ జోరు కొనసాగుతోంది. బ్యాడ్మింటన్‌ పురుషుల సింగిల్స్‌ ఎస్‌హెచ్‌-6లో కృష్ణ నాగర్‌ స్వర్ణంతో అదరగొట్టాడు. ఫైనల్లో హాంకాంగ్‌ ఆటగాడు కైమన్‌ చూపై కృష్ణ విజయం సాధించి పసిడిని ముద్దాడాడు. ఈరోజు ఇప్పటికే భారత్‌కు రెండు పతకాలు వచ్చాయి. ఈ ఉదయం బ్యాడ్మింటన్‌ ఎస్‌ఎల్‌-4 విభాగంలో సుహాస్‌ యతిరాజ్‌ రజతం సాధించగా తాజాగా కృష్ణ స్వర్ణం తీసుకొచ్చాడు. దీంతో పారాలింపిక్స్‌లో ఇప్పటి వరకు భారత్‌ సాధించిన పతకాల సంఖ్య 19కి చేరింది. వీటిలో 5 స్వర్ణాలు, 8 రజతాలు, 6 కాంస్యాలు ఉన్నాయి.

రాష్ట్రపతి, ప్రధాని అభినందనలు..

పారాలింపిక్స్‌లో స్వర్ణాన్ని ముద్దాడిన కృష్ణ నాగర్‌ను రాష్ట్రపతి రామ్‌నాథ్ కోవింద్, ప్రధాని నరేంద్ర మోదీ ట్విటర్‌ వేదికగా అభినందించారు. ‘కృష్ణ నాగర్‌ చరిత్రాత్మక ప్రదర్శన చేశారు. పారాలింపిక్స్‌ బ్యాడ్మింటన్‌లో పతకం సాధించడం ద్వారా మువ్వన్నెల జెండా మరింత ఎత్తున రెపరెపలాడింది. మీ నుంచి ఎంతో మంది భారతీయులు ప్రేరణ పొందుతారు. అభినందనలు’ అని రాష్ట్రపతి ట్వీట్‌ చేశారు.

‘పారాలింపిక్స్‌లో భారత బ్యాడ్మింటన్ క్రీడాకారులు రాణించడం ఎంతో సంతోషంగా ఉంది. కృష్ణ నాగర్‌ సాధించిన ఈ విజయం ప్రతి భారతీయుడి ముఖంలో చిరునవ్వులను పూయించింది. బంగారు పతకం సాధించినందుకు కృష్ణ నాగర్‌కు అభినందనలు’ అని ప్రధాని ట్వీట్ చేశారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని