Shikhar Dhawan: ధావన్‌.. లక్ష్మణ్‌ మోడల్‌ అనుసరించాలి: ఎమ్మెస్కే

తాజా వార్తలు

Updated : 17/09/2021 16:33 IST

Shikhar Dhawan: ధావన్‌.. లక్ష్మణ్‌ మోడల్‌ అనుసరించాలి: ఎమ్మెస్కే

ఇంటర్నెట్‌డెస్క్‌: టీమ్‌ఇండియా ఓపెనర్‌ శిఖర్‌ ధావన్‌ తిరిగి టీ20 క్రికెట్‌లో చోటు దక్కించుకోవాలంటే మాజీ బ్యాట్స్‌మన్‌ వీవీఎస్‌ లక్ష్మణ్‌ ఆట తీరును అనుసరించాలని మాజీ చీఫ్‌ సెలెక్టర్‌ ఎమ్మెస్కే ప్రసాద్ సూచించారు. తాజాగా ప్రసాద్‌ ఓ అంతర్జాతీయ మీడియాతో మాట్లాడుతూ ఈ వ్యాఖ్యలు చేశారు. వీవీఎస్‌ను టీమ్‌ఇండియా పక్కనపెట్టిన ప్రతిసారీ దేశవాళీ క్రికెట్‌లో పరుగుల వరద పారించేవాడని, దాంతో సెలెక్టర్లు అతడిని తీసుకునేవారని ఆయన వివరించారు.

‘ధావన్‌ తిరిగి టీ20 జట్టులో ఆడాలంటే లక్ష్మణ్‌ ఆటతీరునే అనుసరించాలి. వీవీఎస్‌ను జట్టు నుంచి తొలగించినప్పుడల్లా వందల కొద్దీ పరుగులు సాధించి తిరిగి చోటు సాధించేవాడు. ఇప్పుడు ధావన్‌ కూడా అలాగే చేయాలి. అతడి వయసు గురించి ఆలోచించాల్సిన అవసరం లేదు. ఇకపై ఏ ఫార్మాట్‌ ఆడినా పరుగులు చేస్తానని నిరూపించుకోవాలి. అలా చేస్తే.. అవకాశం వచ్చినప్పుడు కచ్చితంగా జట్టులోకి వస్తాడు. అలాగే తన బ్యాటింగ్‌ టెక్నిక్‌లోనూ ఎలాంటి మార్పులు చేసుకోవాల్సిన అవసరం లేదు’ అని ఎమ్మెస్కే అభిప్రాయపడ్డారు. కాగా, ధావన్‌ ఇటీవల శ్రీలంకలో పర్యటించిన టీమ్‌ఇండియా జట్టుకు కెప్టెన్‌గా వ్యవహరించిన సంగతి తెలిసిందే. అయితే, అతడిని రాబోయే టీ20 ప్రపంచకప్‌ టోర్నీకి ఎంపిక చేయలేదు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని