Tokyo Olympics: భవానీ దేవికి అండగా మోదీ.. గెలుపోటములు సహజమేనని ఓదార్పు!

తాజా వార్తలు

Published : 27/07/2021 10:00 IST

Tokyo Olympics: భవానీ దేవికి అండగా మోదీ.. గెలుపోటములు సహజమేనని ఓదార్పు!

ఇంటర్నెట్‌ డెస్క్‌: భారత ఏకైక ఫెన్సర్‌ భవానీ దేవికి ప్రధాని నరేంద్రమోదీ అండగా నిలిచారు. ఒలింపిక్స్‌లో ఆమె ప్రదర్శన అందరికీ ఆదర్శంగా నిలుస్తుందన్నారు. శక్తిమేరకు పోరాడావంటూ అభినందించారు. గెలుపోటములు క్రీడల్లో భాగమేనని వెన్నుతట్టారు. ఈ మేరకు ప్రధాని ట్వీట్‌ చేశారు.

భవానీదేవి అరంగేట్రం ఒలింపిక్స్‌లో స్ఫూర్తిదాయక ప్రదర్శన చేసింది. తొలిరౌండ్లో నడియా అజిజిపై 15-3 తేడాతో గెలిచింది. అయితే, రెండో రౌండ్లో ప్రపంచ మూడో ర్యాంకర్‌ మేనన్‌ బ్రూనెట్‌ చేతిలో 7-15 తేడాతో ఓటమి పాలైంది. ఒలింపిక్స్‌ ఫెన్సింగ్‌లో ఒక మ్యాచ్‌ గెలిచిన తొలి భారతీయురాలిగా గర్వపడుతున్నానని ఆమె తెలిపింది. అలాగే రెండో రౌండ్లో ఓడిపోయినందుకు క్షమాపణలు తెలియజేసింది. ఆమె ట్వీటుకు మోదీ స్పందించారు.

‘మీ అత్యుత్తమ సామర్థ్యం మేరకు పోరాడారు. మాకదే ముఖ్యం. గెలుపోటములు జీవితంలో ఒక భాగం. మీ సేవలకు భారత్‌ గర్విస్తోంది. మన దేశ పౌరులందరికీ మీరు స్ఫూర్తిగా ఉండిపోతారు’ అని ప్రధాని మోదీ అన్నారు.



Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని