Tokyo Olympics: జావెలిన్‌ త్రోలోనూ భారత్‌కు నిరాశే.. ఆకట్టుకోలేకపోయిన అన్ను రాణి

తాజా వార్తలు

Published : 03/08/2021 19:33 IST

Tokyo Olympics: జావెలిన్‌ త్రోలోనూ భారత్‌కు నిరాశే.. ఆకట్టుకోలేకపోయిన అన్ను రాణి

టోక్యో: ఒలింపిక్స్‌లో మంగళవారం భారత్‌కు మరో నిరాశే ఎదురైంది. జావెలిన్‌ త్రో విభాగంలో తుదిపోరుకు అర్హత సాధించే పోటీల్లో జాతీయ అత్యుత్తమ రికార్డు కలిగిన అథ్లెట్‌ అన్ను రాణి నిరుత్సాహపర్చింది. ఆమె మూడో ప్రయత్నంలో 54.04 మీటర్ల ప్రదర్శన చేసి క్వాలిఫికేషన్‌-ఏలో 14వ స్థానంలో నిలిచింది. దాంతో ఆమె మార్చిలో నెలకొల్పిన తన అత్యుత్తమ వ్యక్తిగత ప్రదర్శన 63.24 మీటర్లు కూడా చేరుకోలేకపోయింది. ఈ క్రమంలోనే రెండు అర్హత పోటీలు పూర్తయ్యేసరికి ఆమె 29వ స్థానంలో నిలిచింది.

ఇక అన్ను తొలి రెండు ప్రయత్నాల్లో 50.35 మీటర్లు, 53.19 మీటర్ల ప్రదర్శనలతో మరింత తక్కువస్థాయి ప్రదర్శన చేసింది. కాగా, ఈ ఈవెంట్‌లో ఎవరైనా అథ్లెట్లు 63 మీటర్ల ప్రదర్శన చేస్తే.. వాళ్లు నేరుగా ఫైనల్స్‌కు దూసుకెళతారు. లేదా ఈ పోటీల్లో అత్యుత్తమ ప్రదర్శన చేసిన తుది 12 మందిని ఫైనల్స్‌కు ఎంపికచేస్తారు. ఈ క్రమంలోనే క్వాలిఫికేషన్‌-ఏలో పొలాండ్‌ అథ్లెట్‌ మారియా అండ్రెజిక్‌ 65.25 మీటర్ల మేటి ప్రదర్శనతో తొలి ప్రయత్నంలోనే ఫైనల్‌ బెర్తును ఖరారుచేసుకుంది. మరోవైవు పురుషుల జావెలిన్‌ త్రో విభాగంలో భారత అథ్లెట్‌ నీరజ్‌ చోప్రా బుధవారం తుదిపోరుకు అర్హత సాధించే పోటీల్లో పాల్గొననున్నాడు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని