Tokyo Olympics: ఆ డ్రైవర్ల పట్ల మీరాబాయి కృతజ్ఞతాభావం

తాజా వార్తలు

Updated : 06/08/2021 10:40 IST

Tokyo Olympics: ఆ డ్రైవర్ల పట్ల మీరాబాయి కృతజ్ఞతాభావం

గువాహటి: టోక్యో ఒలింపిక్స్‌లో సత్తాచాటి భారత్‌కు రజత పతకం అందించిన వెయిట్‌ లిఫ్టర్‌ మీరాబాయి చాను.. కష్టకాలంలో తనకు అండగా నిలిచిన ట్రక్కు డ్రైవర్లను మాత్రం మరచిపోలేదు. వెయిట్‌ లిఫ్టర్‌గా ఎదిగిన క్రమంలో సాధన చేసేందుకు తాను రోజూ ఇంఫాల్‌లోని స్టేడియానికి వెళ్లేందుకు లిఫ్ట్‌ ఇచ్చిన డ్రైవర్లను వెతికి మరీ ఇంటికి పిలిచి సన్మానించారు. వారు తనకు చేసిన మేలుకు గుర్తుగా గురువారం మణిపుర్‌లోని తన స్వగ్రామంలో అందరినీ ఆహ్వానించి తగిన కానుకలతో గౌరవించడం విశేషం. 

వెయిట్‌లిప్టర్‌గా సాధన చేస్తున్న ప్రారంభ సమయంలో తాను ఇంఫాల్‌లోని ఖుమన్ లంపక్‌ స్పోర్ట్స్‌ కాంప్లెక్స్‌కు వెళ్లాల్సి వచ్చేదని మీరాబాయి చాను చెప్పారు. అయితే ఆ స్టేడియం తన గ్రామం నుంచి 25 కిలోమీటర్లకు పైగా దూరంలో ఉందని చెప్పుకొచ్చారు. అక్కడికి రోజూ బస్సులో వెళ్లేందుకు ఛార్జీలు చెల్లించలేని స్థితిలో తమ కుటుంబం ఉండగా.. ఆ సమయంలో ఇసుక లోడుతో అటుగా వెళ్తున్న ట్రక్కు డ్రైవర్లు తనను ఉచితంగా ఇంఫాల్‌కు తీసుకెళ్లేవారని గుర్తుచేసుకున్నారు. అయితే ఆ సమయంలో వారు చేసిన సహాయం.. నేడు తాను ఒలింపిక్స్‌లో పతకం సాధించేందుకు దోహదం చేసినట్టు పేర్కొంటూ కృతజ్ఞతలు తెలిపారు.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని