ఆ విజయానికి 20 ఏళ్లు

తాజా వార్తలు

Published : 13/03/2021 07:42 IST

ఆ విజయానికి 20 ఏళ్లు

హైదరాబాద్‌: 2001 మార్చి 11.. ప్రపంచ బ్యాడ్మింటన్‌లో కొత్త ఛాంపియన్‌ అవతరించిన రోజు. ప్రతిష్టాత్మక ఆల్‌ ఇంగ్లాండ్‌ బ్యాడ్మింటన్‌ ఛాంపియన్‌షిప్‌లో త్రివర్ణ పతాకం రెపరెపలాడిన రోజు. చైనా ఆధిపత్యానికి గండికొట్టి.. దేశంలో ఆటకు ఊపు తెచ్చిన ఆ ఛాంపియన్‌ మరెవరో కాదు.. జాతీయ బ్యాడ్మింటన్‌ చీఫ్‌ కోచ్‌ పుల్లెల గోపీచంద్‌. కోల్‌కతాలో టీమ్‌ఇండియా చరిత్రాత్మక టెస్టు మ్యాచ్‌ ప్రారంభమైన రోజే.. బర్మింగ్‌హామ్‌లో గోపీ సరికొత్త చరిత్ర సృష్టించాడు. పురుషుల సింగిల్స్‌ ఫైనల్లో గోపీ 15-12, 15-6తో చెన్‌ హాంగ్‌ (చైనా)ను చిత్తుచేసి ఆల్‌ ఇంగ్లాండ్‌ టైటిల్‌ కైవసం చేసుకున్నాడు. ఆపై కోచ్‌గా మారి సైనా, సింధు, శ్రీకాంత్, సాయిప్రణీత్, కశ్యప్‌ లాంటి ఎందరో ఛాంపియన్లను అందించాడు. ఒలింపిక్స్, ప్రపంచ ఛాంపియన్‌షిప్, ఆసియా ఛాంపియన్‌షిప్‌లలో పతకాలు గోపీ శిష్యుల సొంతమయ్యాయి. తన 20 ఏళ్ల ప్రస్థానాన్ని ఈ స్టార్‌ కోచ్‌ వినూత్నంగా జరుపుకున్నాడు. శుక్రవారం తన అకాడమీలో తల్లిదండ్రులు, అథ్లెటిక్స్‌ క్రీడాకారులతో ఆనందాన్ని పంచుకున్నాడు. ఈ కార్యక్రమంలో అథ్లెటిక్స్‌ కోచ్‌ నాగపురి రమేశ్‌ తదితరులు పాల్గొన్నారు.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని