క్రీడా స్ఫూర్తికి సలామ్‌: రూట్‌కు కోహ్లీ సాయం
close

తాజా వార్తలు

Published : 05/02/2021 20:20 IST

క్రీడా స్ఫూర్తికి సలామ్‌: రూట్‌కు కోహ్లీ సాయం

రూట్‌ కాలి తిమ్మిర్లు పోగొట్టిన టీమ్‌ఇండియా సారథి 

చెన్నై: టీమ్‌ఇండియా సారథి విరాట్‌ కోహ్లీ క్రికెట్‌ మైదానంలో మరోసారి క్రీడాస్ఫూర్తిని ప్రదర్శించాడు. ఇంగ్లాండ్‌ సారథి జో రూట్‌ తిమ్మిర్లతో ఇబ్బంది పడుతుండగా అతడికి సాయపడ్డాడు. నేలపై పడుకున్న రూట్‌ కాళ్లను పైకి లేపాడు. బూట్ల వద్ద పట్టుకొని రూట్‌ ఇబ్బందిని తొలగించాడు. బీసీసీఐ పెట్టిన ఈ వీడియో ప్రస్తుతం వైరల్‌గా మారింది.

చెపాక్‌ వేదికగా జరుగుతున్న తొలి టెస్టు తొలి ఇన్నింగ్స్‌లో జో రూట్‌ (128; 197 బంతుల్లో 14×1, 1×6) అజేయ శతకం బాదేశాడు. టీమ్‌ఇండియా బౌలర్ల సహనానికి పరీక్ష పెట్టాడు. చక్కని డిఫెన్స్‌తో ఆకట్టుకున్నాడు. స్వీప్‌ షాట్‌ను ఉపయోగించి పరుగులు చేశాడు. అందివచ్చిన బంతుల్ని బౌండరీకి తరలిస్తూనే వేగంగా సింగిల్స్‌ తీశాడు. తన వందో టెస్టులో చిరస్మరణీయ శతకం అందుకున్నాడు.

తొలి రోజు 87 ఓవర్ల ఆట ముగిసిన తర్వాత జోరూట్‌ కాళ్లు తిమ్మిర్లు పట్టాయి. దాంతో అతడు పరుగెత్తుకుంటూ వచ్చి మైదానంలో కూలబడ్డాడు. కాళ్లు పైకి లేపలేకపోయాడు. ఆ సందర్భంలో విరాట్‌ కోహ్లీ అతడిని సమీపించాడు. రూట్‌ కాలిని పైకి లేపి అతడికి సాయపడ్డాడు. అప్పుడు రూట్‌ 192 బంతుల్లో 127 పరుగులతో ఉన్నాడు.

రూట్‌ తమ జట్టును ఇబ్బంది పడుతున్నప్పటికీ విరాట్‌ కోహ్లీ చూపిన క్రీడాస్ఫూర్తికి అభిమానులు ఫిదా అవుతున్నారు. ఇంగ్లాండ్‌ మాజీ క్రికెటర్ల నుంచి సామాన్య నెటిజన్ల వరకు ప్రశంసిస్తున్నారు. గతంలో దక్షిణాఫ్రికా క్రికెటర్‌కు ఎంఎస్‌ ధోనీ ఇలాగే సాయపడ్డాడని కొందరు గుర్తు చేసుకుంటున్నారు. 2019 ప్రపంచకప్‌ సమయంలో స్టీవ్‌స్మిత్‌కు అండగా నిలిచినందుకు కోహ్లీకి ఐసీసీ క్రీడాస్ఫూర్తి పురస్కారం బహూకరించిన సంగతి తెలిసిందే.

ఇవీ చదవండి
చెపాక్‌లో ‘రూట్‌’ వేశాడు!
కోహ్లీ 31లోనైనా 71 చేరుకుంటాడా?




Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని