close

తాజా వార్తలు

Published : 27/02/2021 01:07 IST
Facebook Share Twitter Share WhatsApp Share Telegram Share

‘మొతేరా’ విజయ రహస్యం చెప్పిన అజ్జూభాయ్‌!

హైదరాబాద్‌: మొతేరా తరహా పొడి పిచ్‌లపై విజయవంతమవ్వాలంటే బ్యాట్స్‌మెన్‌ ఫుట్‌వర్క్‌, షాట్ల ఎంపిక అత్యంత కచ్చితత్వంతో ఉండాలని టీమ్‌ఇండియా మాజీ సారథి మహ్మద్‌ అజహరుద్దీన్‌ అన్నాడు. స్పిన్‌కు అనుకూలించే పిచ్‌లపై ఆడేటప్పుడు ఆటగాళ్లు రబ్బరు సోల్స్‌ ఉన్న బూట్లను ధరించాలని సూచించాడు. డే/నైట్‌ టెస్టు రెండు రోజుల్లోనే ముగియడం అసంతృప్తికి గురిచేసిందని పేర్కొన్నాడు. శుక్రవారం ఆయన వరుస ట్వీట్లు చేశాడు.

ప్రపంచంలోనే అతిపెద్ద స్టేడియంలో తలపడ్డ గులాబి పోరులో భారత్‌, ఇంగ్లాండ్‌ బ్యాట్స్‌మెన్‌ పరుగులు చేసేందుకు విపరీతంగా శ్రమించిన సంగతి తెలిసిందే. స్పిన్నర్ల బంతులను ఎదుర్కోలేక వారు త్వరగా బ్యాట్లెత్తేశారు. దాంతో ఇంగ్లాండ్‌ 112, 81 స్కోర్లకే పరిమితమవ్వగా టీమ్‌ఇండియా 10 వికెట్ల తేడాతో విజయం అందుకుంది.

‘బ్యాటింగ్‌ చేసేటప్పుడు స్పైక్స్‌ ధరించాలన్న కనీస ఆలోచన అవసరం. రబ్బరు సోల్స్‌ బ్యాట్స్‌మెన్‌ సామర్థ్యాన్ని తగ్గించవు. రబ్బరు సోల్స్‌ ఉన్న బూట్లను ధరించి కఠినమైన పిచ్‌లపై అద్భుతమైన ఇన్నింగ్స్‌లు ఆడిన బ్యాట్స్‌మెన్‌ను నేను చూశా. వికెట్ల మధ్య పరిగెడుతుంటే జారిపడతారన్న వాదనను నేను అంగీకరించను. ఎందుకంటే వింబుల్డన్‌లో టెన్నిక్‌ క్రీడాకారులంతా రబ్బరు సోల్స్‌ ఉన్న బూట్లనే ధరించి ఆడతారు. ఇంకా చెప్పాలంటే సునిల్‌ గావస్కర్‌, మొహిందర్‌ అమర్‌నాథ్‌, దిలీప్‌ వెంగ్‌సర్కారే వంటి భారతీయులే కాకుండా సర్‌ వివ్‌రిచర్డ్స్‌, మైక్‌ గ్యాటింగ్‌, అలన్‌ బోర్డర్‌, క్లైవ్‌ లాయిడ్‌ వంటి ఎంతోమంది నాకు గుర్తొస్తారు’ అని అజ్జూ అన్నాడు.

అహ్మదాబాద్‌ టెస్టులో బ్యాట్స్‌మెన్‌ వరుసపెట్టి పెవిలియన్‌ చేరడం నిరాశపరిచిందని అజహరుద్దీన్‌ అన్నాడు. పొడి పిచ్‌లు, స్పిన్‌ పిచ్‌లపై ఆడుతున్నప్పుడు ఫుట్‌వర్క్‌, షాట్ల ఎంపిక పక్కాగా ఉండాలని సూచించాడు. కాగా మొతేరా టెస్టులో రోహిత్‌, జాక్‌ క్రాలీ మాత్రమే అర్ధశతకాలు చేసిన సంగతి తెలిసిందే. చాలామంది స్పిన్‌ పిచ్‌ను విమర్శిస్తుండగా సునిల్‌ గావస్కర్‌ లాంటి వారు స్పిన్నర్ల సత్తాను ప్రశంసిస్తుండటం గమనార్హం.


ఇవీ చదవండి


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని