Sushil: ముందస్తు బెయిల్‌కు సుశీల్‌ దరఖాస్తు
close

తాజా వార్తలు

Updated : 18/05/2021 19:09 IST
Facebook Share Twitter Share WhatsApp Share Telegram Share Link Share

Sushil: ముందస్తు బెయిల్‌కు సుశీల్‌ దరఖాస్తు

దిల్లీ: భారత అగ్రశ్రేణి రెజ్లర్‌, ఒలింపిక్‌ పతక విజేత సుశీల్‌ కుమార్‌ ముందస్తు బెయిల్‌కు దరఖాస్తు చేసుకున్నాడు. దిల్లీలోని రోహిణి కోర్టులో మధ్యాహ్నం తర్వాత అతడి బెయిల్‌పై విచారణ జరగనుందని సమాచారం. సాగర్‌ దంకడ్‌ అనే యువ రెజ్లర్‌ హత్య కేసులో అతడిపై అభియోగాలు నమోదైన సంగతి తెలిసిందే.

ఛత్రసాల్‌ స్టేడియంలో కొన్నాళ్ల క్రితం సాగర్‌ దంకడ్‌పై దాడి జరిగింది. తీవ్రంగా గాయపడ్డ ఆ యువ రెజ్లర్‌ మరణించాడు. అప్పట్నుంచి సుశీల్‌ కుమార్‌ పోలీసుల కంట పడకుండా తప్పించుకొని తిరుగుతున్నాడు. దాడికి పాల్పడిన మిగతా వారిని విచారించగా అందులో సుశీల్‌ హస్తం ఉన్నట్టు తెలిసింది. పోలీసులు ఎనిమిది బృందాలుగా వారం రోజుల్నుంచి అతడి కోసం గాలిస్తున్నారు.

మూడు రోజుల క్రితం దిల్లీ పోలీసులు సుశీల్‌పై లుకౌట్‌ నోటీసులు జారీ చేశారు. సోమవారం అతడి జాడ చెప్పిన వారికి రూ.లక్ష బహుమానం ఇస్తామని ప్రకటించారు. నాన్‌ బెయిలబుల్‌ వారెంట్‌ సైతం జారీ చేశారు. ఇన్నాళ్లూ తప్పించుకొని తిరిగిన సుశీల్‌ ముందస్తు బెయిల్‌కు దరఖాస్తు చేసుకున్నాడని తాజాగా తెలిసింది.


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
పాలిటిక్స్
మరిన్ని
జనరల్
మరిన్ని
జాతీయ- అంతర్జాతీయ
మరిన్ని