close

ప్రధానాంశాలు

Facebook Share Twitter Share WhatsApp Share Telegram Share
ఏం చేద్దాం.. ఎలా చేద్దాం!

ఐపీఎల్‌పై నేడు పాలకమండలి సమావేశం

దిల్లీ: దేశంలో కరోనా విలయం కారణంగా వాయిదా పడ్డ ఐపీఎల్‌ను యూఏఈ  వేదికగా సెప్టెంబరు ద్వితీయార్ధం నుంచి నిర్వహించాలని ప్రాథమికంగా నిర్ణయించిన బీసీసీఐ.. దీనిపై పూర్తి స్థాయిలో విధివిధానాలు రూపొందించేందుకు ఆదివారం కీలక సమావేశం నిర్వహిస్తోంది. ఐపీఎల్‌ ఛైర్మన్‌ బ్రిజేష్‌ పటేల్‌ నేతృత్వంలో జరిగే ఈ సమావేశంలో బీసీసీఐ అధ్యక్షుడు సౌరభ్‌ గంగూలీ, కార్యదర్శి జై షా, కోశాధికారి అరుణ్‌ ధూమల్‌ కూడా పాల్గొంటారు.
ఏయే అంశాలపై చర్చ?: యూఏఈలో సెప్టెంబరు 19న ఐపీఎల్‌-13ను ఆరంభించాలని బీసీసీఐ భావిస్తోంది. పాలకమండలి సమావేశంలో లీగ్‌ పూర్తి షెడ్యూల్‌ను ఖరారు చేసే అవకాశముంది. లీగ్‌లో ఎన్ని మ్యాచ్‌లుంటాయి.. ఎన్ని వేదికల్లో నిర్వహిస్తారు.. ఆటగాళ్ల ప్రయాణ, వసతి సంగతేంటి.. కరోనా ముప్పు లేకుండా ఎలాంటి చర్యలు చేపట్టాలి అనే విషయాలు ఈ సమావేశంలోనే తేల్చే అవకాశముంది. లీగ్‌ను సురక్షిత వాతావరణంలో నిర్వహించడానికి ఎలాంటి ప్రణాళికల్ని అనుసరించాలనే దానిపై పాలక మండలి విధి విధానాలు ప్రకటించే అవకాశముంది. యూఏఈలో లీగ్‌ను ఏ ఇబ్బందీ లేకుండా నిర్వహించేందుకుగాను లీగ్‌ నిర్వాహక బృందంతో పాటు ఫ్రాంఛైజీ ప్రతినిధులు, ఆటగాళ్లు ఎప్పుడు, ఎలా, ఏం చేయాలో ఈ సమావేశంలో చర్చించి.. అందరికీ మార్గనిర్దేశ సూచికను అందజేయనున్నట్లు సమాచారం. మరోవైపు యూఏఈలో లీగ్‌ నిర్వహణకు అయ్యే ఖర్చెంత, ఆదాయం ఎంత వస్తుంది.. ఎమిరేట్స్‌ క్రికెట్‌ బోర్డుకు ఎంత చెల్లించాలన్నది కూడా ఆ సమావేశంలో చర్చకు రావచ్చు. మ్యాచ్‌లకు ప్రేక్షకులను అనుమతించాలని ఎమిరేట్స్‌ బోర్డు భావిస్తుండగా.. దీనిపై ఐపీఎల్‌ పాలకమండలి ఆలోచనేంటో చూడాలి. యూఏఈలో ఐపీఎల్‌ నిర్వహించేందుకు బీసీసీఐకి ఇంకా కేంద్ర ప్రభుత్వ అనుమతి లభించలేదు.

ప్రధానాంశాలు

జిల్లా వార్తలు

దేవతార్చన


మరిన్ని
రుచులు
+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.