close

ప్రధానాంశాలు

Published : 22/11/2020 10:33 IST
Facebook Share Twitter Share WhatsApp Share Telegram Share

‘లగాన్’‌ మన్కడింగ్‌ను గుర్తుచేసిన జాఫర్

ఇంటర్నెట్‌డెస్క్‌: టీమ్‌ఇండియా క్రికెటర్‌ వసీమ్‌ జాఫర్‌ ఇటీవల ట్విటర్‌లో చెలరేగిపోతున్నాడు. నిత్యం ఎవర్నో ఒకర్నీ ట్రోల్‌ చేస్తూ సరదా మీమ్‌లతో ఆకట్టుకుంటున్నాడు. ఈ క్రమంలోనే తాజాగా మరో ఆసక్తికర పోస్టు చేశాడు. తొలుత ఈఎస్‌పీఎన్‌ క్రిక్‌ఇన్ఫో ఓ ట్వీట్‌ చేస్తూ.. ఆటగాళ్లు, జట్ల పేర్లు చెప్పకుండా మీ ఫేవరెట్‌ క్రికెట్‌ మ్యాచ్‌ ఏదని అడిగింది. దానికి స్పందించిన జాఫర్‌ అశ్విన్‌ను ట్యాగ్‌ చేసి ఓ మీమ్‌ను రీట్వీట్‌ చేశాడు. అందులో ఆమిర్‌‌ఖాన్‌ ప్రధాన పాత్రలో నటించిన బాలీవుడ్‌ సినిమా లగాన్‌లోని ఓ క్రికెట్‌ సన్నివేశాన్ని జత చేశాడు. ఆమిర్‌ బ్యాటింగ్‌ చేస్తుండగా అవతలి ఎండ్‌లో ఉండే ఓ కుర్రాడు క్రీజు వదిలి ముందుకు రావడంతో బౌలర్‌ మన్కడింగ్‌ చేసే సన్నివేశం అది. దీని ద్వారా గతేడాది ఐపీఎల్‌లో అశ్విన్‌ రాజస్థాన్‌ బ్యాట్స్‌మన్‌ జోస్‌బట్లర్‌ను ఇలాగే ఔట్‌ చేసిన మ్యాచ్‌ ఇష్టమని చెప్పకనే చెప్పాడు. 

ఈ ఉదంతం అప్పట్లో తీవ్ర చర్చనీయాంశమైంది. ప్రపంచ క్రికెట్‌ను రెండు వర్గాలుగా విభజించింది. కొందరు అశ్విన్‌ చర్యను తప్పుపట్టగా, మరికొందరు అతడు నియమాలకు కట్టుబడే ఆడాడని మద్దతు తెలిపారు. అయితే, ఈ ఏడాది దిల్లీ తరఫున ఆడిన అశ్విన్‌ ఓ మ్యాచ్‌లో బెంగళూరు బ్యాట్స్‌మన్‌ ఆరోన్‌ఫించ్‌ను ఇలాగే ఔట్‌ చేసే అవకాశం ఉన్నా హెచ్చరించి వదిలేశాడు. ఇప్పుడు ఆ వివాదాస్పద అంశంపై వసీమ్‌ జోక్‌ చేయగా అశ్విన్‌ బదులిస్తూ సరదాగా నవ్వుకున్నాడు.



Tags :

ప్రధానాంశాలు

జిల్లా వార్తలు
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.