close

ప్రధానాంశాలు

Published : 22/09/2020 02:17 IST
Facebook Share Twitter Share WhatsApp Share Telegram Share

హలెప్‌, జకోవిచ్‌లకు టైటిళ్లు

రోమ్‌: ఫ్రెంచ్‌ ఓపెన్‌ ముంగిట నొవాక్‌ జకోవిచ్‌కు స్ఫూర్తినిచ్చే విజయం. ఈ సెర్బియా స్టార్‌ ఇటాలియన్‌ ఓపెన్‌ సొంతం చేసుకున్నాడు. సోమవారం జరిగిన పురుషుల సింగిల్స్‌ ఫైనల్లో జకో 7-5, 6-3తో స్క్వాట్జ్‌మ్యాన్‌ (అర్జెంటీనా)ను ఓడించాడు. తొలి సెట్లో ప్రత్యర్థి నుంచి పోటీ ఎదుర్కొన్న జకో.. పదకొండో గేమ్‌లో అతని సర్వీస్‌ బ్రేక్‌ చేసి సెట్‌ గెలిచాడు. రెండో సెట్లోనూ అదే జోరు ప్రదర్శించిన నొవాక్‌.. సెట్‌తో పాటు టైటిల్‌ సొంతం చేసుకున్నాడు. ఈ టోర్నీలో ఆటతో కాక తన చర్యలతో అంపైర్ల నుంచి హెచ్చరికలు అందుకున్న జకోకు తాజా విజయం ఊరటనిచ్చేదే. మహిళల టైటిల్‌ను టాప్‌ సీడ్‌ సిమోనా హలెప్‌ (రొమేనియా) సాధించింది. ఫైనల్లో ఆమె 6-0, 2-1తో ఆధిక్యంలో ఉన్న సమయంలో ప్రత్యర్థి కరోలినా ప్లిస్కోవా (చెక్‌ రిపబ్లిక్‌) గాయం కారణంగా పోటీ నుంచి తప్పుకుంది. వెన్ను గాయంతో బాధపడిన కరోలినా.. వైద్యం తీసుకుంటూనే ఆటను కొనసాగించింది. తొలి సెట్లో మూడుసార్లు సర్వీస్‌ కోల్పోయిన ఈ చెక్‌ అమ్మాయి.. రెండో సెట్లోనూ వెనకబడిన దశలో వైదొలిగింది. దీంతో ట్రోఫీ హలెప్‌ సొంతమైంది. 2017, 2018 సీజన్లలోనూ ఈ టోర్నీలో ఫైనల్‌ చేరిన సిమోనా.. విజేతగా నిలవడం ఇదే తొలిసారి. మొత్తం మీద ఈ సీజన్లో ఆమెకిది మూడో టైటిల్‌.


Tags :

ప్రధానాంశాలు

జిల్లా వార్తలు
సినిమా
మరిన్ని

దేవతార్చన

+

© 1999- 2020 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact :
040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.