8 జట్లతోనే వచ్చే ఐపీఎల్‌!
close

ప్రధానాంశాలు

Updated : 22/12/2020 07:54 IST
Facebook Share Twitter Share WhatsApp Share Telegram Share Link Share

8 జట్లతోనే వచ్చే ఐపీఎల్‌!

ముంబయి: వచ్చే ఏడాది ఐపీఎల్‌ను 8 జట్లతోనే నిర్వహించాలని బీసీసీఐ భావిస్తోంది. 2021 ఐపీఎల్‌కు మూడున్నర నెలల సమయమే ఉండటంతో కొత్త జట్లను చేర్చడం హడావుడి నిర్ణయమే అవుతుందని బీసీసీఐ అంచనాకు వచ్చినట్లు తెలుస్తోంది. కొత్తగా చేర్చే ఒకటి లేదా రెండు జట్లను 2022 నుంచి ఆడించాలని నిర్ణయించింది. ఈనెల 24న అహ్మదాబాద్‌లో జరిగే వార్షిక సర్వసభ్య సమావేశం (ఏజీఎం)లో ఈ ప్రతిపాదనకు బోర్డు ఆమోదం తెలపనుంది. మూడు వారాల క్రితం బీసీసీఐ ఇచ్చిన ఏజీఎం నోటీసు అజెండాలో రెండు కొత్త జట్ల ఎంపికను చేర్చింది. ఈ ప్రతిపాదనకు ఏజీఎం ఆమోదం తెలిపినా వెంటనే టెండర్లు ఆహ్వానించొద్దని బోర్డు భావిస్తోంది. ‘‘కొత్త ఫ్రాంచైజీల కోసం ఫిబ్రవరి, మార్చి, ఏప్రిల్‌ లేదా సరైన సమయం అనుకున్నప్పుడు బీసీసీఐ టెండర్లు పిలవొచ్చు. 2021 ఐపీఎల్‌లోనే కొత్త జట్లను చేర్చితే నిర్వహణ కష్టమవుతుంది’’ అని బీసీసీఐ వర్గాలు తెలిపాయి.

ఇవీ చదవండి..

వీళ్లేం క్రికెట్‌ పాలకులు?

36/9 ఊహించలేదు: బుద్ధిని వాడాలి!



Tags :

మరిన్ని

జిల్లా వార్తలు
మరిన్ని

దేవతార్చన