క్వార్టర్స్‌లో హుసాముద్దీన్‌

బోక్సామ్‌ అంతర్జాతీయ బాక్సింగ్‌

దిల్లీ: బోక్సామ్‌ అంతర్జాతీయ బాక్సింగ్‌ టోర్నీలో తెలంగాణ కుర్రాడు మహ్మద్‌ హుసాముద్దీన్‌ క్వార్టర్‌ఫైనల్లోకి దూసుకెళ్లాడు. స్పెయిన్‌లో జరుగుతున్న ఈ టోర్నీలో 57 కేజీల తొలి రౌండ్లో హుసాముద్దీన్‌ 4-1తో జువాన్‌ టోరెస్‌ (స్పెయిన్‌)పై విజయం సాధించాడు. 63 కేజీల బౌట్‌లో మనీష్‌ కౌశిక్‌ 5-0తో ఎమారి రాడోన్స్‌ (స్పెయిన్‌)ను చిత్తుచేసి క్వార్టర్స్‌ చేరుకున్నాడు. టోక్యో ఒలింపిక్స్‌కు అర్హత సాధించిన మనీష్‌ ఏడాది విరామం తర్వాత బరిలో దిగాడు.