చెన్నైలో ధోని

సూపర్‌ కింగ్స్‌ శిబిరం 9 నుంచి

చెన్నై: 2021 ఐపీఎల్‌ కోసం చెన్నై సూపర్‌ కింగ్స్‌ సన్నాహాలు మొదలుపెట్టనుంది. నిరుటి ఐపీఎల్‌లో నిరాశ పరిచిన చెన్నై ఈసారి అందరి కంటే ముందే శిక్షణ శిబిరానికి శ్రీకారం చుట్టనుంది. ఈనెల 9న చెన్నైలో సూపర్‌ కింగ్స్‌ శిబిరం ఆరంభమవుతుంది. జట్టు సారథి మహేంద్రసింగ్‌ ధోని బుధవారం రాత్రి చెన్నై చేరుకున్నాడు. అయిదు రోజుల పాటు ధోని క్వారంటైన్‌లో ఉంటాడు. అంతకుముందు అంబటి రాయుడు చెన్నైలో అడుగుపెట్టాడు. ‘‘ఈనెల 9న శిబిరం ఆరంభమవ్వొచ్చు. అందుబాటులో ఉన్న ఆటగాళ్లు ప్రాక్టీసు సెషన్‌లో పాల్గొంటారు. అయిదు రోజుల క్వారంటైన్‌లో మూడు సార్లు నెగటివ్‌ వచ్చిన తర్వాతే ఆటగాళ్లు సాధన ప్రారంభిస్తారు’’ అని చెన్నై సీఈఓ కాశీ విశ్వనాథన్‌ తెలిపాడు.