close

తాజావార్తలు

సచిన్‌కు ఈ రోజు ఎంతో ప్రత్యేకం!

ఇంటర్నెట్‌డెస్క్‌: క్రికెట్‌ దిగ్గజాలు డాన్‌ బ్రాడ్‌మన్‌, సచిన్‌కు ఈ రోజు ఎంతో ప్రత్యేకమైంది. ఆస్ట్రేలియా బ్యాట్స్‌మన్‌ డాన్ బ్రాడ్‌మన్‌ తన ఆట తీరుతో క్రికెట్‌ చరిత్రలో తనకంటూ కొన్ని పేజీలను లిఖించుకున్నారు. 52 టెస్టులు ఆడిన ఆయన 99.94 సగటుతో 6996 పరుగులు సాధించారు. ఇందులో 29 సెంచరీలు ఉన్నాయి. ఆయన ఆటకు స్వస్తిపలికి 71 ఏళ్లు అవుతున్నా సగటు రికార్డు మాత్రం పదిలంగానే ఉంది. అంతటి మహా దిగ్గజం బ్రాడ్‌మన్‌ ఆఖరిసారిగా అంతర్జాతీయ క్రికెట్‌లో బ్యాట్‌ పట్టింది ఆగస్టు 14నే. 1948 ఆగస్టులో ఇంగ్లాండ్‌తో జరిగిన యాషెస్‌ సిరీస్‌లోని ఆఖరి మ్యాచ్‌తో ఆయన కెరీర్‌ను ముగించారు. ఈ మ్యాచ్‌లో ఇంగ్లాండ్‌ బ్యాటింగ్‌ ఎంచుకొని 52 పరుగులకే కుప్పకూలింది. అనంతరం వన్‌డౌన్‌లో బ్యాటింగ్‌కు దిగిన బ్రాడ్‌మన్‌ తొలి బంతిని డిఫెండ్‌ చేశారు. రెండో బంతిని అంచనా వేయడంలో విఫలమై క్లీన్‌బౌల్డయ్యారు. అయినా ఇతర ఆటగాళ్లు రాణించడంతో ఈ మ్యాచ్‌ను ఆసీస్‌ గెలిచింది. ఇలా క్రికెట్‌లో డాన్‌ ప్రస్థానం ముగిసింది. ఇంగ్లాండ్‌ ఆటగాళ్లు వారి క్యాప్‌లను తీసి బ్రాడ్‌మన్‌కు ఘనంగా వీడ్కోలు పలికారు.

క్రికెట్‌ లెజెండ్‌ సచిన్‌ తెందుల్కర్‌కు కూడా ఈ రోజు ఎంతో ప్రత్యేకమైంది. శతక శతకాలు బాదిన సచిన్‌ టెస్టుల్లో తొలి సెంచరీని ఆగస్టు 14వ తేదీనే బాదాడు. 1990లో జరిగిన భారత్‌xఇంగ్లాండ్‌ మధ్య జరిగిన మ్యాచ్‌లో సచిన్‌ తొలిసారిగా మూడంకెల స్కోరుని అందుకున్నాడు. ఈ మ్యాచ్‌లో తొలి ఇన్నింగ్స్‌లో 68 పరుగులే బాదిన లిటిల్‌ మాస్టర్‌ రెండో ఇన్నింగ్స్‌లో అజేయంగా 119 పరుగులు చేశాడు. 127 పరుగులకే ఐదు వికెట్లు కోల్పోయి కష్టాల్లో ఉన్న జట్టును 343/6తో పటిష్ఠ స్థితిలో నిలిచేలా చేశాడు. దీంతో భారత్‌ టెస్టును డ్రాగా ముగించింది.

ఊపిరితిత్తుల సమస్యతో బాధపడుతూ బ్రాడ్‌మన్‌ 2000 డిసెంబరులో ఆస్పత్రిలో చేరారు. చికిత్స అనంతరం ఇంటికి వచ్చిన డాన్‌ 92 ఏళ్ల వయసులో 2001 ఫిబ్రవరి 25న తుది శ్వాస విడిచారు. 1998 ఆగస్టు 27న డాన్‌ బ్రాడ్‌మన్‌ తన 90వ పుట్టిన రోజు నాడు తనకెంతో ఇష్టమైన ఆటగాళ్లు సచిన్‌‌, షేన్‌ వార్న్‌ను ఇంటికి ఆహ్వానించారు.


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

దేవ‌తార్చ‌న

రుచులు
+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.