close

తాజావార్తలు

ఒకే ఇన్నింగ్స్‌తో రోహిత్‌ పలు రికార్డులు

రాజ్‌కోట్‌: టీమిండియా తాత్కాలిక కెప్టెన్‌ రోహిత్‌శర్మ(85) గురువారం బంగ్లాపై చెలరేగిన సంగతి తెలిసిందే. రెండో టీ20లో అద్భుతంగా బ్యాటింగ్‌ చేసిన రోహిత్‌ తృటిలో ఐదో శతకాన్ని చేజార్చుకున్నాడు. ఈ క్రమంలో బంగ్లా నిర్దేశించిన 154 పరుగుల లక్ష్యాన్ని రోహిత్‌సేన రెండు వికెట్లు కోల్పోయి 15.4 ఓవర్లలో ఛేదించింది. హిట్‌మ్యాన్‌ సిక్సులతో చెలరేగిన వేళ పలు రికార్డులు బద్దలయ్యాయి. 

* టీ20ల్లో అత్యధిక సిక్సులు బాదిన భారత కెప్టెన్‌గా రోహిత్‌(17 ఇన్నింగ్స్‌ల్లో 37 సిక్సులు) అగ్రస్థానంలో నిలిచాడు. అతడికన్నా ముందు ధోనీ (62 ఇన్నింగ్స్‌ల్లో 34 సిక్సులు) అగ్రస్థానంలో ఉండేవాడు. విరాట్‌కోహ్లీ (26 ఇన్నింగ్స్‌ల్లో 26 సిక్సులతో) మూడో స్థానంలో కొనసాగుతున్నాడు. 

* అలాగే అంతర్జాతీయ క్రికెట్‌లో ఈ ఏడాది అత్యధిక సిక్సులు(66) బాదిన క్రికెటర్‌గా నిలిచాడు రోహిత్‌. 2017లో 65 సిక్సులు కొట్టిన హిట్‌మ్యాన్‌ 2018లో 74 బాదడం విశేషం.

* పొట్టి ఫార్మాట్‌లో ఐదో శతకం చేజార్చుకున్న టీమిండియా ఓపెనర్‌.. కోహ్లీతో సమానంగా 22 ఇన్నింగ్స్‌ల్లో 50కి పైగా పరుగులు చేశాడు.

* పొట్టి ఫార్మాట్‌లో టీమిండియా కెప్టెన్‌గా రోహిత్‌ ఆరోసారి అర్ధశతకం సాధించాడు. కోహ్లీ కూడా కెప్టెన్‌గా ఆరు అర్ధ శతకాలు కొట్టడం గమనార్హం.

* శిఖర్‌ ధావన్‌తో కలిసి టీ20ల్లో అత్యధికసార్లు వంద పరుగుల భాగస్వామ్యాన్ని నిర్మించాడు. ఇదివరకు కోహ్లీ-రోహిత్‌ జంట మూడుసార్లు ఈ ఘనత సాధించగా.. రోహిత్‌-ధావన్‌ జంట నాలుగుసార్లు సాధించింది. ఆసీస్‌ ఓపెనర్లు వాట్సన్‌-వార్నర్‌.. కివీస్‌ ఆటగాళ్లు గప్తిల్‌-విలియమ్సన్‌, గప్తిల్‌-మన్రో మూడేసి సార్లు శతక భాగస్వామ్యాలు నెలకొల్పారు.


Tags :

స్పోర్ట్స్

రాజకీయం

జనరల్‌

సినిమా

క్రైమ్

బిజినెస్‌

జాతీయ-అంతర్జాతీయ

జిల్లా వార్తలు

దేవ‌తార్చ‌న

రుచులు
+

© 1999- 2019 Ushodaya Enterprises Pvt.Ltd,All rights reserved.
Powered By Margadarsi Computers

Android PhonesApple Phones

For Editorial Feedback - eMail: infonet@eenadu.net
For Digital Marketing enquiries Contact : 9000180611, 040 - 23318181 eMail :marketing@eenadu.net
Best Viewed In Latest Browsers

Terms & Conditions   |   Privacy Policy

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.