ఇండోర్‌: టీమిండియాతో జరుగుతున్న తొలి టెస్టు తొలి ఇన్నింగ్స్‌లో బంగ్లాదేశ్ స్కోరు 100 పరుగుల మైలురాయి చేరుకుంది. 40 ఓవర్లకు ఆ జట్టు 100/4తో నిలిచింది. సీనియర్‌ ఆటగాడు ముష్ఫికర్‌ రహీమ్‌ (34; 71 బంతుల్లో 4×4, 1×6) నిలకడగా ఆడుతున్నాడు. భారత బౌలింగ్‌ను చక్కగా ఎదుర్కొంటున్నాడు. మహ్మదుల్లా (1; 11 బంతుల్లో) అతడికి తోడుగా ఉన్నాడు. అంతకు ముందు ధాటిగా ఆడుతున్న సారథి మోమినల్‌ హఖ్‌ (37; 80 బంతుల్లో 6×6)ను రవిచంద్రన్‌ అశ్విన్‌ బోల్తా కొట్టించాడు. 37.1వ బంతికి బౌల్డ్‌ చేశాడు. నాలుగో వికెట్‌కు ముషి, మోమినల్‌ నెలకొల్పిన 68 పరుగుల కీలక భాగస్వామ్యానికి తెరవేశాడు.