ఈనాడు, హైదరాబాద్‌: విశ్రాంత ఐఏఎస్‌ అధికారి డాక్టర్‌ వి.చంద్రమౌళి మృతికి గవర్నర్‌ తమిళిసై, ముఖ్యమంత్రి కేసీఆర్‌లు సంతాపం తెలిపారు. ఆయన కుటుంబ సభ్యులకు ప్రగాఢ సానుభూతి తెలియజేశారు. చంద్రమౌళి అయిదేళ్ల పాటు ఉమ్మడి రాష్ట్ర గవర్నర్‌ కార్యాలయంలో సేవలందించారని తమిళిసై పేర్కొన్నారు. 1962 బ్యాచ్‌కు చెందిన ఆయన వివిధ హోదాల్లో పని చేశారని ముఖ్యమంత్రి కేసీఆర్‌ గుర్తుచేశారు.