- ఈనాడు, అమరావతి

అత్యధిక గుండె శస్త్రచికిత్సలతో విజయవాడ రమేష్‌ ఆసుపత్రుల వైద్యబృందం గిన్నిస్‌ రికార్డు నెలకొల్పింది.. 1996లో ఆసుపత్రిని ప్రారంభించినప్పటి నుంచి ఇప్పటివరకూ 20వేల గుండె శస్త్రచికిత్సలను పూర్తిచేసి ప్రపంచంలోనే అరుదైన ఘనతను సాధించారు. విజయవాడలో గురువారం నిర్వహించిన కార్యక్రమంలో గిన్నిస్‌బుక్‌ ప్రతినిధి రిషినాథ్‌ చేతులమీదుగా ఆసుపత్రి ఎండీ డాక్టర్‌ పోతినేని రమేష్‌బాబు ఈ రికార్డును అందుకున్నారు.