close

ప్రధానాంశాలు

Facebook Share Twitter Share WhatsApp Share Telegram Share
మళ్లీ వాయుగుండం!

ఈనాడు, హైదరాబాద్‌: తీరం దాటిన తుపాను బలహీనపడిందని వాతావరణ అధికారి రాజారావు తెలిపారు. బంగాళాఖాతం పశ్చిమ ప్రాంతంలో అల్పపీడనం ఉంది. దీనికి అనుబంధంగా 4.5 కిలోమీటర్ల ఎత్తు వరకూ గాలులతో ఉపరితల ఆవర్తనం ఉంది. మరోవైపు హిందూ మహాసముద్రాన్ని ఆనుకుని ఉన్న బంగాళాఖాతంలో అండమాన్‌ దీవుల వద్ద మరో ఉపరితల ఆవర్తనం ఏర్పడింది. దీని ప్రభావంతో ఆదివారానికి బంగాళాఖాతంలో మరో అల్పపీడనం ఏర్పడే అవకాశాలున్నాయి. ఇది తీవ్ర వాయుగుండంగా మారి వచ్చే నెల 2 నాటికి తమిళనాడు, పుదుచ్చేరి తీరం వద్దకు వచ్చే అవకాశాలున్నాయి. తెలంగాణలో శనివారం అక్కడక్కడ ఒక మాదిరి వర్షాలు పడే అవకాశాలున్నాయి. గురువారం ఉదయం నుంచి శుక్రవారం రాత్రి వరకూ అక్కడక్కడ సాధారణ వర్షాలు కురిశాయి. అత్యధికంగా ముత్తారం మహదేవపూర్‌(జయశంకర్‌ జిల్లా)లో 3.1 సెం.మీ., అశ్వారావుపేట, కొత్తగూడెం, బోనకాలు, సత్తుపల్లిలో 3 సెం.మీ. చొప్పున వర్షం కురిసింది. రాష్ట్రంలో చలి పెరిగింది.

ప్రధానాంశాలు

జిల్లా వార్తలు

దేవతార్చన


మరిన్ని
రుచులు