close

ప్రధానాంశాలు

Facebook Share Twitter Share WhatsApp Share Telegram Share
కన్నీరొలికిన చోటే గంగ పరవళ్లు: మంత్రి కేటీఆర్‌

ఈనాడు, హైదరాబాద్‌: ‘‘తెలంగాణ ఏర్పాటుకు పూర్వం కన్నీరొలికిన చోటే నేడు గంగ పరవళ్లు తొక్కింది. ఆనంద భాష్పాలు కురిపించింది’’ అని పరిశ్రమలు, ఐటీ శాఖల మంత్రి కేటీ రామారావు ట్వీట్‌ చేశారు. మధ్య మానేరు నుంచి వచ్చిన కాళేశ్వరం నీటితో నిండిన ముస్తాబాద్‌ చెరువు ఫొటోలను జత చేస్తూ..‘నిండు వేసవిలోనూ జల సంబురమిది’ అని పేర్కొన్నారు. టీహబ్‌ సాయంతో అంకుర సంస్థ రూపొందించిన వైద్యుల ఉచిత యాప్‌ ‘క్యూరిడాక్‌.కామ్‌’ కరోనా సమయంలో ప్రజలకు ఉపయుక్తంగా ఉంటుందని కేటీఆర్‌ తెలిపారు. వైద్యుల వద్దకు వెళ్లకుండానే ఉచిత సలహాలను ఇస్తుందని చెప్పారు. ఈ యాప్‌ను రూపొందించిన ఎం.ప్రహ్లాద్‌ బృందాన్ని ఆయన అభినందించారు. టీహబ్‌ను మంత్రులు కేటీఆర్‌, నిరంజన్‌రెడ్డి, వి.శ్రీనివాస్‌గౌడ్‌లు సందర్శించారు. వ్యవసాయానికి అక్కరకొచ్చే, రైతులకు, కులవృత్తుల వారికి చేయూతనిచ్చే ఆవిష్కరణలు చేపట్టాలని సూచించారు.

ప్రధానాంశాలు

జిల్లా వార్తలు

దేవతార్చన


మరిన్ని
రుచులు