గదుల్లో వైరస్‌, బ్యాక్టీరియాను యూవీ-సీ కిరణాలు, గాలి ద్వారా శుద్ధిచేసే ‘జర్మిబన్‌’ పరికరాన్ని హైదరాబాద్‌కు చెందిన నియో ఇన్వెంట్రానిక్స్‌ అనే అంకుర సంస్థ అభివృద్ధి చేసింది. ఇవి కొవిడ్‌ వ్యాప్తిని అరికట్టేందుకు ఉపయోగపడతాయి. ఈ సంస్థ వ్యవస్థాపకులు జి.ఎస్‌.చక్రవర్తి, శిరీషలు సామాజిక బాధ్యతగా ఇటీవల రెండు జర్మిబన్‌ పరికరాలను చెస్ట్‌ ఆసుపత్రికి అందజేశారు. సీసీఎంబీ ధ్రువీకరించిన ఈ పరికరం స్టార్టప్‌ ఇండియాకు ఎంపికైందని, నీతి ఆయోగ్‌ ప్రశంసలు పొందిందని శిరీష తెలిపారు. యూవీ-సీ కిరణాలతో గదుల్లో బ్యాక్టీరియాను శుద్ధి చేసే పరికరాలు ఇప్పటికే మార్కెట్లో అనేకం ఉన్నా.. ఈ పరికరంలో యూవీ-సీతో పాటు అయొనైజేషన్‌, ఓజోనైజేషన్‌, హెపా ఫిల్టర్‌ కలిసి ఉండటం ప్రత్యేకమని తెలిపారు. ఒకే పరికరం నాలుగు రకాలుగా పనిచేస్తుందని వెల్లడించారు.

- ఈనాడు, హైదరాబాద్‌