close

ప్రధానాంశాలు

Facebook Share Twitter Share WhatsApp Share Telegram Share
12వ శతాబ్దపు కట్టడం.. చారిత్రక నిర్లక్ష్యం

శిథిలావస్థలో ఉన్న ఈ నిర్మాణం.. వందల సంవత్సరాల ఘన చరిత్ర ఉన్న జైన మందిరం. మహబూబ్‌నగర్‌ జిల్లా జడ్చర్ల మండలం అల్వాన్‌పల్లిలోని ఈ మందిరం స్థానికంగా గొల్లత్త గుడిగా ప్రసిద్ధికెక్కింది. దీని పూర్తి ఎత్తు 65 అడుగులు. దేశంలో ఇటుకలతో నిర్మించిన ఎత్తైన జైన దేవాలయాలలో ఇది ఒకటి. 12వ శతాబ్దంలో నిర్మించిన ఈ ఆలయం.. జైన మత కేంద్రంగా వర్ధిల్లినట్లు చారిత్రక ఆధారాలున్నాయి. ఈ పురాతన ఆలయాన్ని రాష్ట్ర పురావస్తుశాఖ తన ఆధీనంలోకి తీసుకుని చుట్టూ ఎనిమిది ఎకరాల విస్తీర్ణంలో ప్రహరీ నిర్మించి చేతులు దులుపుకొంది. ఆవరణ మొత్తం ముళ్ల కంపలు, పిచ్చిమొక్కలతో నిండిపోయింది. పర్యవేక్షణ లేకపోవడంతో.. కొందరు గుప్త నిధుల కోసం తవ్వకాలు జరుపుతున్నారు. దీంతో క్రమంగా శిథిలావస్థకు చేరుకుంటోంది. వర్షాలకు ఇటుకలు దెబ్బతింటున్నాయి. ఆలయాన్ని పరిరక్షించాలని, పర్యాటక కేంద్రంగా అభివృద్ధి చేయాలని పురావస్తు ప్రేమికులు కోరుతున్నారు.

- ఈనాడు, మహబూబ్‌నగర్‌

ప్రధానాంశాలు

జిల్లా వార్తలు

దేవతార్చన


మరిన్ని
రుచులు