గజ్జికి బ్యాక్టీరియా చికిత్స

ఎండుగజ్జి (ఎగ్జిమా) మొండి సమస్య. ఒక పట్టాన తగ్గేది కాదు. పొక్కులు, రసి, దురద వంటివాటితో తెగ వేధిస్తుంటుంది. ఇది పిల్లల్లో ఎక్కువ. దీన్ని నయం చేయటానికి పరిశోధకులు తాజాగా సజీవ బ్యాక్టీరియా చికిత్సను రూపొందించారు. ప్రయోగ పరీక్షల్లోనూ మంచి ఫలితం కనిపించింది. మన చర్మం మీద సహజంగానే నివసించే రోసియోమోనస్‌ బ్యాక్టీరియాను ఒక ద్రావణంలో కలిపి, ఎండుగజ్జి ఉన్నచోట చల్లటం ఇందులోని కీలకాంశం. వారానికి రెండు సార్ల చొప్పున మూడు నెలల పాటు చికిత్స తీసుకున్న పిల్లల్లో చాలావరకు లక్షణాలు తగ్గినట్టు తేలింది. వీరి చర్మంలో తేమను పట్టి ఉంచే సామర్థ్యమూ మెరుగైంది. అలర్జీకి కారణమయ్యే పదార్థాల ప్రభావం తగ్గటమూ గమనార్హం. చికిత్స ఆపేసిన తర్వాతా రోసియోమోనస్‌ బ్యాక్టీరియా చర్మం మీద అలాగే ఉండటం విశేషం.

Tags :