ఇవేం విరేచనాలు?

వ్యాధులు - బాధలు

ఇవేం విరేచనాలు?

సమస్య-సలహా

సమస్య: నాకు 70 ఏళ్లు. శాకాహారిని. గత ఆర్నెల్లుగా ఏమీ తినకపోయినా, చాలా కొంచెంగా తిన్నా విరేచనాలు అవుతున్నాయి. డాక్టర్‌ సలహాతో మందులు వాడుకున్నాను. కానీ ఫలితం లేదు. రోజురోజుకీ శుష్కించిపోతున్నాను. పరిష్కార మార్గం సూచించండి.

- కె.కమలాదేవి, హైదరాబాద్‌

సలహా: మీరు మందులు వాడానని రాశారు గానీ ఏవైనా పరీక్షలు చేయించుకున్నారా? అన్నది తెలపలేదు. ఎందుకంటే పెద్ద వయసులో దీర్ఘకాలంగా విరేచనాలు వేధిస్తుంటే కారణమేంటన్నది క్షుణ్నంగా పరిశీలించటం చాలా ముఖ్యం. వీటికి పేగుల్లో పూత (క్రాన్స్‌), పుండ్లు (అల్సరేటివ్‌ కొలైటిస్‌), పేగుల్లో చికాకు (ఇరిటబుల్‌ బవల్‌ సిండ్రోమ్‌), కణితులు, క్షయ, రోగనిరోధక శక్తి పొరపాటున దాడిచేయటం వల్ల వచ్చే సీలియాక్‌ డిసీజ్‌ వంటివి కారణం కావొచ్చు. థైరాయిడ్‌ హార్మోన్‌ ఎక్కువైనా విరేచనాలు కావొచ్చు. కాబట్టి సంపూర్ణ రక్త పరీక్ష, థైరాయిడ్‌ పనితీరు పరీక్షలు చేయించుకోవాల్సి ఉంటుంది. జీర్ణకోశ సమస్యలను గుర్తించటానికి కొలనోస్కోపీ, గ్యాస్ట్రోస్కోపీ పరీక్షలు ఉపయోగపడతాయి. గ్యాస్ట్రోస్కోపీ చేసేటప్పుడే ఆంత్రమూలం నుంచి చిన్న ముక్క తీసి, పరీక్షించటానికి వీలుంటుంది. మీరు శుష్కించిపోతున్నానని అంటున్నారు కాబట్టి పేగులు పోషకాలను గ్రహించుకునే సామర్థ్యం కోల్పోవటం వంటిదేమైనా ఉంటే ఇందులో బయటపడుతుంది. చాలావరకు సమస్య ఏంటన్నది ఈ పరీక్షలతోనే బయటపడుతుంది. అప్పటికీ ఏమీ తేలకపోతే చిన్నపేగు, పాంక్రియాస్‌ జబ్బులేవైనా ఉన్నాయేమో చూసుకోవాల్సి ఉంటుంది. కాకపోతే ఇలాంటివి అరుదు. పెద్ద వయసులో కారణాన్ని తెలుసుకోకుండా మందులు ఇవ్వటం మంచిది కాదని గుర్తించాలి.

Tags :

మరిన్ని

జిల్లా వార్తలు

చదువు సుఖీభవ ఈ-నాడు మకరందం రయ్.. రయ్ సిరి ఈ తరం హాయ్! ఆహా హాయ్ బుజ్జీ స్థిరాస్తి రుచులు

వ్యాధులు - బాధలు

మరిన్ని

రుచులు

App