IQ Test: మన ఐక్యూ పరీక్ష
close

Updated : 29/07/2021 16:17 IST
IQ Test: మన ఐక్యూ పరీక్ష

విజ్ఞానం

తెలివితేటలను (ఐక్యూ) పరీక్షించటం ఎప్పుడూ ఆసక్తి కలిగించేదే. దీన్ని వివిధ కోణాల్లో అర్థం చేసుకోవటానికి, లెక్కించటానికి సైకాలజిస్టులు నిరంతరం ప్రయత్నిస్తూనే వస్తున్నారు. ప్రస్తుతం మనదేశంలో ఐక్యూ పరీక్షలకు ఉపయోగిస్తున్న పద్ధతులన్నీ పాశ్చాత్య ధోరణులనే అనుసరిస్తున్నాయి. మన ప్రాంత, సామాజిక పరిస్థితులకు తగినట్టుగానే లేకపోయినా ఇవి తప్ప మరో దిక్కు లేదు. ఇకపై అలా నిట్టూర్చాల్సిన పనిలేదు. మన అవసరాలకు తగిన, మనదైన ఐక్యూ పరీక్ష అందుబాటులోకి వచ్చింది. యూనివర్సిటీ ఆఫ్‌ అల్బర్టాలో పనిచేస్తున్న సైకాలజీ  ప్రొఫెసర్‌ జె.పి.దాస్‌ నేతృత్వంలోని విద్యావేత్తలు, క్లినికల్‌ సైకాలజిస్టుల బృందం దీన్ని రూపొందించింది. ఆలోచన స్థాయి దగ్గర్నుంచి పరీక్షను అభివృద్ధి చేయటం వరకూ అంతా మనదగ్గరే సాగింది. ఈ నమూనాను 5 నుంచి 20 ఏళ్ల వయసు వారిపై పరీక్షించి చూశారు కూడా. బ్రెయిన్‌ బేస్డ్‌ ఇంటెలిజెన్స్‌ టెస్ట్‌ (బీబీఐటీ) అనే పేరుతో పిలుచుకుంటున్న ఇది తెలివితేటలను, విషయగ్రహణ సామర్థ్యాన్ని లెక్కిస్తుంది. పక్షవాతం, మూర్ఛ, మెదడుకు దెబ్బలు తగలటం వంటి వాటితో మెదడు పనితీరు ఎంతవరకు తగ్గిందనేది తెలుసుకోవటానికీ ఇది తోడ్పడుతుంది. అవసరమైనప్పుడు మనం పరిస్థితులకు తగ్గట్టుగా మారాల్సి ఉంటుంది. మెదడు కూడా ఇందుకు అనుగుణంగా మారిపోతుంది. ఇలాంటి సామర్థ్యాలనూ తాజా పరీక్ష లెక్కించగలదు. సామాజిక సమస్యలను పరిష్కరించే నైపుణ్యాలు, ఏకాగ్రత, హేతుబద్ధత సామర్థ్యాల వంటి వాటి విషయంలో లోతైన సమాచారాన్ని అందిస్తుంది.


Tags :

మరిన్ని

జిల్లా వార్తలు

తాజా వార్తలు

మరిన్ని

వెబ్ ప్రత్యేకం

దేవ‌తార్చ‌న