రెడ్‌మీ నోట్‌ 10 సిరీస్‌లో కొత్త ఫోన్లు..
close

Updated : 26/09/2020 15:49 IST
రెడ్‌మీ నోట్‌ 10 సిరీస్‌లో కొత్త ఫోన్లు..

ఇంటర్నెట్‌ డెస్క్‌: రెడ్‌మీ మధ్యశ్రేణి మార్కెట్‌ లక్ష్యంగా ఆకర్షణీయమైన ఫీచర్స్‌తో కొత్త ఫోన్లను తీసుకురానుంది. రెడ్‌మీ నోట్ 10 పేరుతో కొత్త సిరీస్‌లో వీటిని విడుదల చేయనున్నట్లు సమాచారం. గౌగ్విన్‌, గౌగ్విన్‌ ప్రో పేరుతో గతంలో షావోమి వీటిని రిజిష్టర్‌ చేసిందట. తాజాగా ఈ ఫోన్లను షావోమి ఎంఐ 10టీ సిరీస్‌ పేరుతో చైనాతో పాటు ఇతర మార్కెట్లో సెప్టెంబరు 30 తేదీన విడుదల చేయనుంది. భారత్‌లో రెడ్‌మీ  బ్రాండ్‌కు ఉన్న పాపులారిటీని దృష్టిలో ఉంచుకుని ఈ బ్రాండ్ కింద రెడ్‌మీ నోట్ 10, నోట్ 10 ప్రో పేరుతో వీటిని తీసుకొస్తున్నారట.

ఈ ఫోన్‌లో ఆక్టాకోర్ క్వాల్‌కోమ్‌ స్నాప్‌డ్రాగన్ 750జీ ప్రాసెసర్‌ను ఉపయోగించారట. 4,820 ఎంఏహెచ్‌ బ్యాటరీ ఉంటుందని సమాచారం. హై రిఫ్రెష్ రేట్ డిస్‌ప్లే, 5జీ కనెక్టివిటీ వంటి ఫీచర్లు ఇందులో ఉంటాయని తెలుస్తోంది. అలానే 64, 108 ఎంపీ కెమెరాలు ఉంటాయట. ఎన్ని అంగుళాల డిస్‌ప్లే? కెమెరాలు ఎన్ని ఉంటాయి? వంటి వివరాలు తెలియాల్సి ఉంది. అక్టోబరులో భారత మార్కెట్లోకి తీసుకొస్తారని సమాచారం.



Tags :

మరిన్ని

జిల్లా వార్తలు

తాజా వార్తలు

మరిన్ని

వెబ్ ప్రత్యేకం

దేవ‌తార్చ‌న