ఏడు స్క్రీన్‌లతో ల్యాప్‌టాప్.. చూశారా?
close

Published : 13/02/2021 09:36 IST

ఏడు స్క్రీన్‌లతో ల్యాప్‌టాప్.. చూశారా?

ఇంటర్నెట్ డెస్క్‌: బ్రిటన్‌కు చెందిన ఎక్స్‌పాన్‌స్కేప్‌ అనే కంపెనీ ఏడు స్క్రీన్‌లతో కూడిన ల్యాప్‌టాప్‌ను తయారుచేసింది. ‘అరోరా 7’ అనే పేరుతో ల్యాప్‌టాప్‌ తీసుకొచ్చింది. ప్రపంచంలోనే ఏడు స్క్రీన్‌లు ఉన్న తొలి ల్యాప్‌టాప్‌ ఇదేనట. డేటా సైంటిస్టులు, కంటెంట్ క్రియేటర్స్, సైబర్ నిపుణులకు ఈ ల్యాప్‌టాప్‌ బాగా ఉపయోగపడుతుందని కంపెనీ తెలిపింది. ఇప్పటికే పలువురు ఈ ల్యాప్‌టాప్ కోసం ముందస్తు ఆర్డర్ చేశారట. ప్రస్తుతం పరీక్షల దశలో ఉన్న ఈ ల్యాప్‌టాప్‌ను త్వరలోనే పూర్తిస్థాయిలో మార్కెట్లోకి విడుదల చేయనున్నారట.

సాంకేతికత పరంగా ఈ ల్యాప్‌టాప్‌లో ఇంటెల్ ఐ9 9900కే ప్రాసెసర్ ఉపయోగించారు. 64 జీబీ ర్యామ్‌, 2టీబీ స్టోరేజ్  ఇస్తున్నారు. ఇందులోని ఏడు స్క్రీన్‌లలో నాలుగు 17.3 అంగుళాల 4కే రిజల్యూషన్‌ స్క్రీన్‌లు, మిగిలిన మూడు 7 అంగుళాల ఫుల్ హెచ్‌డీ స్క్రీన్‌లు. దీని బ్యాటరీని ఒక్కసారి ఛార్జ్‌ చేస్తే గంటపాటు నిరంతరాయంగా పనిచేస్తుందని తెలిపారు. చూసేందుకు బాక్స్‌ తరహాలో ఉండే ఈ ల్యాప్‌టాప్‌లో స్క్రీన్‌లు తెరుచుకునేందుకు మొత్తం 13 దశల అన్‌ఫోల్డింగ్ వ్యవస్ధ ఉంది. దీని సహాయంతో అవసరమైన స్క్రీన్‌లను మాత్రమే తెరిచి పనిచేసుకోవచ్చు. ఒకేసారి ఒకటి కంటే ఎక్కువ స్క్రీన్‌లలో పనిచేయాలనుకునేవారు ఈ ల్యాప్‌టాప్‌ ఎంతో ఉపయోగపడుతుంది.

ఇవీ చదవండి..

స్వచ్ఛ కంప్యూటర్‌కు పంచ సూత్రాలు..

యాపిల్ వాచ్‌తో కొవిడ్-19 లక్షణాల గుర్తింపు..!


Tags :

మరిన్ని

జిల్లా వార్తలు

తాజా వార్తలు

మరిన్ని

వెబ్ ప్రత్యేకం

దేవ‌తార్చ‌న