close

Published : 03/03/2021 22:33 IST
Facebook Share Twitter Share WhatsApp Share Telegram Share
ఇన్‌స్టా అప్‌డేట్: ఇక ఒకేసారి నలుగురు లైవ్‌లోకి

ఇంటర్నెట్‌ డెస్క్‌: కొవిడ్‌ పరిస్థితుల దృష్ట్యా ఆన్‌లైన్‌ ఇంటరాక్షన్‌ ఎక్కువైపోయింది. దీంతో యాప్స్‌ ఎక్కువగా ఆ తరహా ఫీచర్లను యూజర్లకు అందుబాటులోకి తీసుకొస్తున్నాయి. ప్రముఖ వీడియో, ఫొటో షేరింగ్ యాప్‌ ఇన్‌స్టాగ్రామ్‌ సైతం అలాంటి ఓ కొత్త అప్‌డేట్ తీసుకొచ్చింది. ఇంతకుముందు ఇన్‌స్టాగ్రామ్‌ యాప్‌లో ‘లైవ్‌ రూమ్‌’ ఫీచర్‌ ద్వారా కేవలం ఒకరు మాత్రమే లైవ్‌లో మాట్లాడే అవకాశం ఉండేది. ఇక నుంచి నలుగురితో లైవ్‌ నిర్వహించుకోవచ్చని ఇన్‌స్టాగ్రామ్‌ ప్రకటన చేసింది. టాక్‌ షోలు, సెషన్లు, ఆన్‌లైన్‌లో క్వశ్చన్‌ అండ్‌ ఆన్సర్స్‌ కార్యక్రమాలను నిర్వహించే వారికి ఎంతో ఉపయుక్తంగా ఉంటుందని ఇన్‌స్టా పేర్కొంది. యూజర్లకు మరిన్ని వ్యాపార అవకాశాలు పెరుగుతాయని ఆశాభావం వ్యక్తం చేసింది. 

యూజర్‌ కాకుండా మరో ముగ్గురు ‘లైవ్‌’ నిర్వహించొచ్చు. ఇన్‌స్టాగ్రామ్‌ హోంపేజీ ఓపెన్‌ చేసి ఎడమ వైపు స్క్రీన్‌ను స్వైప్‌ చేయాలి. ‘లైవ్‌ కెమెరా’ ఆప్షన్‌ను ఎంచుకోవాలి. హోస్ట్‌గా వ్యవహరించే యూజర్‌ మరో ముగ్గురిని యాడ్‌ చేసే అవకాశం ఉంటుంది. కొవిడ్‌ మహమ్మారి నేపథ్యంలో లైవ్‌ సెషన్స్‌కు ఎక్కువగా డిమాండ్ వచ్చిందని, ఈ నేపథ్యంలో కొత్త ఫీచర్‌ను అందిస్తున్నట్లు ఇన్‌స్టాగ్రామ్‌ వెల్లడించింది.

ఇవీ చదవండి


Tags :

మరిన్ని

జిల్లా వార్తలు

తాజా వార్తలు

వెబ్ ప్రత్యేకం

దేవ‌తార్చ‌న

రుచులు