టిక్‌టాక్‌తో ఇన్‌స్టాకు కొత్త చిక్కులు..!
close

Published : 13/02/2021 08:52 IST
టిక్‌టాక్‌తో ఇన్‌స్టాకు కొత్త చిక్కులు..!

ఇంటర్నెట్ డెస్క్‌: టిక్‌టాక్‌పై భారత్‌లో నిషేధం విధించిన తర్వాత యూజర్స్ ప్రత్యామ్నాలపై దృష్టి సారించారు. దీంతో ఇన్‌స్టాగ్రాం, యూట్యూబ్, ఫేస్‌బుక్‌ వంటి సామాజిక మాధ్యమాలు షార్ట్‌ వీడియో ఫీచర్స్‌ని పరిచయం చేశాయి. వీటిలో ఇన్‌స్టాగ్రాం రీల్స్‌కు టిక్‌టాక్‌తో కొత్త తలనొప్పి మొదలైంది. టిక్‌టాక్ వీడియోలను యూజర్స్‌ ఇన్‌స్టాగ్రాం రీల్స్‌లో అప్‌లోడ్ చేస్తున్నారట. టిక్‌టాక్‌, రీల్స్‌లో ఒకే రకమైన ఫీచర్స్ ఉండటం వల్ల టిక్‌టాక్‌లో రూపొందించిన వీడియోలను రీల్స్‌ సపోర్ట్ చేస్తుందట. దీంతో రీల్స్‌లో పోస్ట్ చేసిన వీడియోలు టిక్‌టాక్‌ వాటర్‌మార్క్‌తో కనిపిస్తున్నాయి. ఇలా చేయడం వల్ల ఇన్‌స్టాగ్రాం రీల్స్‌లో ఒరిజినల్ కంటెంట్‌ కాకుండా కాపీ కంటెంట్ ఎక్కువగా పోస్ట్ అవుతోందట. దీంతో టిక్‌టాక్‌ వాటర్‌ మార్క్‌తో ఉన్న వీడియోలు సపోర్ట్ చేయకుండా ఇన్‌స్టాగ్రాం తన అల్గారిథమ్‌లో మార్పులు చేయనుంది.

‘‘ఇన్‌స్టాగ్రాం ఎప్పుడూ ఒరిజినల్ కంటెంట్‌ని మాత్రమే ప్రోత్సహిస్తుంది. యూజర్స్ టిక్‌టాక్ వాటర్‌ మార్క్‌ ఉన్న వీడియోలను రీల్స్‌లో పోస్ట్ చేయవద్దు’’ అని ఒక ప్రకటనలో కోరింది. ఇకమీదట ఎవరైనా కాపీ కంటెంట్ పోస్ట్ చేయాలని ప్రయత్నిస్తే రీల్స్ దాన్ని సపోర్ట్ చేయదని తెలిపింది. మరోవైపు వర్టికల్‌ వీడియో ఫీచర్‌ను తీసుకొస్తున్నట్లు ఇన్‌స్టా ఇది వరకే ప్రకటించింది. దీంతో యూజర్ వీడియోలను టిక్‌టాక్ తరహాలో పై నుంచి కిందకి జరుపుకోవచ్చు. ప్రస్తుతం పరీక్షల దశలో ఉన్న ఈ ఫీచర్‌ను త్వరలోనే యూజర్స్‌కి అందుబాటులోకి తీసుకురానున్నారు. 

ఇవీ చదవండి..

ఇన్‌స్టాగ్రాం కొత్త ఫీచర్..డిలీట్ చేసినా వెనక్కి

వెబ్‌ వాట్సాప్‌: మరింత పటిష్ఠంగా..భద్రంగా..


Tags :

మరిన్ని

జిల్లా వార్తలు

తాజా వార్తలు

మరిన్ని

వెబ్ ప్రత్యేకం

దేవ‌తార్చ‌న