close

Published : 19/03/2021 18:56 IST
Facebook Share Twitter Share WhatsApp Share Telegram Share
₹10వేల ధరలో మైక్రోమ్యాక్స్‌ కొత్త ఫోన్‌

ఇంటర్నెట్‌డెస్క్‌: దేశీయ మొబైల్‌ తయారీ కంపెనీ మైక్రోమ్యాక్స్‌ మరో కొత్త మొబైల్‌ను మార్కెట్లోకి తీసుకొచ్చింది. ఇన్‌ 1 పేరుతో శుక్రవారం దీన్ని విడుదల చేసింది. ట్రిపుల్‌ కెమెరా, 5000 ఎంఏహెచ్‌ బ్యాటరీ, ఫింగర్‌ ప్రింట్‌ స్కానర్‌ వంటి ఫీచర్లతో బడ్జెట్‌ ధరలో దీన్ని తీసుకొచ్చారు. 4జీబీ/ 64జీబీ, 6జీబీ/128జీబీ వేరియంట్లలో తీసుకొస్తున్న ఈ ఫోన్‌ మార్చి 26 నుంచి ఫ్లిప్‌కార్ట్‌, మైక్రోమ్యాక్స్‌ వెబ్‌సైట్‌లలో అమ్మకానికి రానుంది. ఈ ఫోన్ ప్రారంభ ధర రూ.10,499 కాగా.. టాప్‌ వేరియంట్‌ ధరను రూ.11,999గా నిర్ణయించారు. ప్రారంభ ఆఫర్‌ కింద ₹500 చొప్పున డిస్కౌంట్‌ అందిస్తున్నారు.

ఇక స్పెసిఫికేషన్స్‌ విషయానికొస్తే మైక్రోమ్యాక్స్‌ ఇన్‌1 ఆండ్రాయిడ్‌ 10తో పనిచేస్తుంది. ఈ ఏడాది మే నాటికి 11 అప్‌డేట్‌ ఇస్తామని కంపెనీ చెబుతోంది. అలాగే నెలవారీ సెక్యూరిటీ అప్‌డేట్స్‌తో పాటు రెండేళ్ల వరకు అప్‌డేట్స్‌ ఇస్తామని ప్రకటించింది. ఇందులో 6.67 అంగుళాల ఫుల్‌ హెచ్‌డీ+ డిస్‌ప్లే అందిస్తున్నారు. ఆక్టాకోర్‌ మీడియా టెక్‌ హీలియో జీ80 ప్రాసెసర్‌తో వస్తున్న ఈ ఫోన్‌ మెమొరీని 256 జీబీ వరకు మైక్రో ఎస్‌డీ కార్డు ద్వారా పెంచుకునే వీలుంది. వెనుక వైపు 48 ఎంపీ ప్రధాన కెమెరాతోపాటు 2 ఎంపీ డెప్త్‌ సెన్సర్‌, 2 ఎంపీ మాక్రో కెమెరా అందిస్తున్నారు. ముందువైపు సెల్ఫీల కోసం 8 ఎంపీ కెమెరా అమర్చారు. 5000 ఎంఏహెచ్‌ బ్యాటరీతో వస్తున్న ఈ మొబైల్‌ 18 వాట్‌ ఫాస్ట్‌ ఛార్జింగ్‌కు సపోర్ట్‌ చేస్తుంది.

ఇవీ చదవండి


Tags :

మరిన్ని

జిల్లా వార్తలు

తాజా వార్తలు

మరిన్ని

వెబ్ ప్రత్యేకం

దేవ‌తార్చ‌న

రుచులు