OnePlus: ‘నార్డ్‌ 2’ విడుదల అప్పుడేనా..!
close

Updated : 08/07/2021 10:33 IST
OnePlus: ‘నార్డ్‌ 2’ విడుదల అప్పుడేనా..!

మీడియా టెక్‌ చిప్‌సెట్‌తో.. 5జీ సపోర్ట్‌తో!

ఇంటర్నెట్‌ డెస్క్: జులై మధ్యలో వన్‌ప్లస్‌ నార్డ్‌ సిరీస్‌ నుంచి కొత్త ఫోన్‌ రాబోతోంది. వన్‌ప్లస్‌ నార్డ్‌ 2 స్మార్ట్‌ఫోన్‌ ఫీచర్లకు సంబంధించి గత కొన్ని వారాలుగా వార్తలు చక్కర్లు కొడుతున్నాయి. వన్‌ప్లస్‌ నార్డ్‌ 2 ధర దాదాపు రూ.25 వేల నుంచి రూ.30 వేల మధ్య ఉండవచ్చంటున్నారు. అయితే వీటిపై వన్‌ప్లస్‌ అధికారికంగా ప్రకటించలేదు. మరి ఆ ఫోన్‌లోని ఫీచర్లేంటో తెలుసుకుందామా.. 

మీడియాటెక్‌ చిప్‌సెట్‌తో తొలిఫోన్‌

వన్‌ప్లస్‌ నార్డ్‌ 2 స్మార్ట్‌ఫోన్‌కు ఓ ప్రత్యేకత ఉంది. మీడియాటెక్  చిప్‌సెట్‌ టెక్నాలజీతో వన్‌ప్లస్‌ నుంచి రాబోతున్న తొలి స్మార్ట్‌ఫోన్‌ వన్‌ప్లస్‌ నార్డ్ 2 కావడం విశేషం. ఇప్పటి వరకు వచ్చిన అన్ని ఫోన్లలో క్వాల్‌కోమ్‌ ప్రాసెసర్‌ను వన్‌ప్లస్‌ వినియోగించేది. వన్‌ప్లస్‌ నార్డ్‌ 2 మీడియాటెక్‌ డైమెన్సిటీ 1200 చిప్‌సెట్‌ 5G సపోర్ట్‌తో రానుందని టెక్‌ వర్గాలు పేర్కొన్నాయి.

ఆ ఫోన్‌లానే డిజైన్‌ 

వన్‌ప్లస్‌ నార్డ్‌ 2 అలర్ట్‌ స్లైడర్‌తో రానుంది. ఇంతకుముందు నార్డ్‌ CE 5G ఫోన్‌ అలర్ట్‌ స్లైడర్‌ లేకుండా లాంచ్‌ అయింది. అయితే వినియోగదారుల అభిప్రాయం మేరకు ఇప్పుడు మళ్లీ అలర్ట్ స్లైడర్‌తో వన్‌ప్లస్‌ నార్డ్‌ 2 రానుంది. డిజైన్‌ పరంగా వన్‌ప్లస్‌ 9 స్మార్ట్‌ఫోన్‌లాగే ఉండవచ్చని అంచనా. టెక్‌ వర్గాల ప్రకారం.. వన్‌ప్లస్‌ 9 ఫోన్‌లోని రేర్‌ కెమెరా మాడ్యూల్‌, కార్నర్‌ హోల్‌ పంచ్‌ సెల్ఫీ కెమెరాను నార్డ్‌2లోనూ వినియోగించినట్లు తెలుస్తోంది. వన్‌ప్లస్‌ నార్డ్‌ ట్రిపుల్‌ రేర్‌ కెమెరాలతో రానుంది. 50 ఎంపీ ప్రైమరీ సెన్సార్, 8 ఎంపీ వైడ్‌యాంగిల్‌ లెన్స్, 2 ఎంపీ సెన్సార్‌.. అలానే డూయల్‌ సెల్ఫీ కెమెరాల బదులు 32 ఎంపీ ఫ్రంట్‌ కెమెరా ఒకటే వస్తుందని టెక్‌వర్గాలు వెల్లడించాయి.

ఇవీ చదవండి


Tags :

మరిన్ని

జిల్లా వార్తలు

తాజా వార్తలు

మరిన్ని

వెబ్ ప్రత్యేకం

దేవ‌తార్చ‌న