ఈనాడు, హైదరాబాద్‌: మూడో తరగతిలో ప్రవేశపెట్టిన పరిసరాల విజ్ఞానం(ఈవీఎస్‌) పాఠ్య పుస్తకాన్ని ద్విభాషా పుస్తకంగా ముద్రించనున్నారు. ఇప్పటివరకు తెలుగు, ఆంగ్ల మాధ్యమం వేర్వేరుగా ఉండేవి. వచ్చే విద్యా సంవత్సరం నుంచి ఒకే పుస్తకంలో తెలుగు, ఆంగ్ల భాషలుంటాయి. అవసరమైతే దీనిని రెండు భాగాలుగా ముద్రించాలని విద్యాశాఖ కార్యదర్శి జనార్దన్‌రెడ్డి తాజాగా రాష్ట్ర విద్యా పరిశోధన, శిక్షణ మండలి(ఎస్‌సీఈఆర్‌టీ) సంచాలకురాలు శేషుకుమారికి సూచించారు.