భలే రుచి... తూత్తుకుడి మాకరూన్స్‌!

హైదరాబాద్‌ అంటే బిర్యానీ గుర్తొచ్చినట్టు... కాకినాడ అంటే కాజాలు నోరూరించినట్టు... తమిళనాడులోని తూత్తుకుడి అంటే మాకరూన్స్‌ గుర్తొస్తాయి. సాధారణంగా మాకరూన్స్‌ గుండ్రంగా బిస్కెట్లలా ఉండి మధ్యలో బాదంతో చేసిన ఫిల్లింగ్‌ ఉంటుంది. కానీ తూత్తుకుడి మాకరూన్స్‌ కాస్త భిన్నం. ఇవి తెల్లగా, కోన్‌ ఆకృతిలో ఉంటాయి. బ్రిటిష్‌ వాళ్లకంటే పూర్వం ఈ ప్రాంతాన్ని డచ్‌, పోర్చుగీస్‌ వాళ్లు పాలించినప్పుడు... స్థానిక వంటవాళ్ల సాయంతో వీటిని తయారు చేయించుకుని తినే వాళ్లు. అలా ఈ వంటకం క్రమంగా రూపు మారింది. అదిరిపోయే రుచితో ఉండే ఈ మాకరూన్స్‌పై అక్కడి బేకరీలు కోట్లాది రూపాయల వ్యాపారం చేస్తున్నాయి. గుడ్డు, పంచదార, జీడిపప్పు మాత్రమే వాడి చేసే వీటిని వారసత్వంగా కొన్ని కుటుంబాలే చేయడంతో ఇప్పటికీ అది ఓ సీక్రెట్‌ వంటకంగానే మిగిలిపోయింది.