భయమెందుకు?

ఒక ధనవంతుడు తన భవనానికి కాపలా కోసం ఖర్చు లేని ఉపాయాన్ని ఆలోచించాడు. భవంతి ఎదుట గొలుసులతో బంధించిన కుక్క శిల్పాన్ని పెట్టించాడు. శిల్పి ఆ శునక విగ్రహాన్ని ఎంత అద్భుతంగా చెక్కాడంటే చూపరులు నిజమైన కుక్క అనుకుని భయపడి పారిపోయేవారు. ఒకరోజు ఓ వ్యక్తి భవనం ముందు నుంచి వెళ్తూ శునకశిల్పం చూసి హడలిపోయాడు. ఇరుగుపొరుగువారు విషయం చెప్పి భయం పోగొట్టారు. అతడు ఆశ్చర్యపోయి శిల్పి చాతుర్యాన్ని మెచ్చుకున్నాడు. నిజమైన కుక్కేమోనని భ్రాంతిలో ఉన్నంతసేపూ భయపడ్డాడు. కాదని జ్ఞానోదయమయ్యాక స్వరూప జ్ఞానంతో భయం తొలగింది. అందుకే భయానికీ, దుఃఖానికీ గల కారణాలేంటో అన్వేషించాలి, ఆధ్యాత్మిక సాధనతో వాటిని నివారించాలి- అంటారు రమణమహర్షి.

మయూఖ