నీకు కిరీటం...అప్పుడు!

క్రీస్తువాణి

ఇది పోటీ ప్రపంచం. ప్రతి విషయంలోనూ ప్రత్యర్థులు ఎదురవుతారు. అది ఒక పోటీ పరీక్ష కావచ్చు, లేదా ఒక ఆటలో గెలుపొందడానికి చేసే క్రీడా పరీక్ష కావచ్ఛు అదే క్రమంలో ఒక వృత్తిలో రాణించదలచిన వారు తమ నైపుణ్యాలు పెంచుకోవాలి. దీనికోసం కష్టపడాలి. పోరాటం చేయాలి. మరి ఆ పోరాటం చేసే వ్యక్తి ఎలా ఉండాలి? విజేతలు కావాల్సిన వాళ్లకు ఎలాంటి శిక్షణ అవసరం? దీనికి క్రీస్తు చెప్పిన సందేశం ఇది...

‘పందెంలో పోరాడే ప్రతివాడూ అన్ని విషయాల్లో మితంగా ఉంటాడు. బహుమానం పొందేలా పరుగెడతాడు’.. ఇది అన్ని కాలాలకు, అందరికీ అనుసరణీయం. పోటీలో ఉన్న వాళ్లు సంయమనంతో ఉండాలి. విజయం కోసం ఓర్పుతో నిరీక్షించాలి. పోరాడే సమయంలో అలసట కలగొచ్ఛు ఆయాసం రావచ్ఛు ఓడిపోతామనే భయం కలగొచ్ఛు... అలాగే అతిశయం కూడా ఉండొచ్ఛు కానీ దేనికీ అతిగా లోనుకావద్దని అంటారు ప్రభువు. అన్ని భావావేశాల్లోనూ మితంగా ఉండాలంటారాయన. సంశయం లేకుండా, సంతోషంగా, స్వాభిమానంతో ముందుకు సాగేవారికి కిరీటం దొరుకుతుంది. నిర్మలంగా, నిబద్ధతతో పోరాటం చేయమంటున్నారు క్రీస్తు.

- ఎం.సుగుణరావు