ధర్మసందేహం

కార్తిక సోమవారం ఎందుకు ప్రత్యేకం

- లత, నిజామాబాద్‌

శివుడికి కార్తికమాసం ప్రీతిపాత్రమని చెప్తారు. శివుడు చంద్రుడి తపస్సుకు మెచ్చి అతణ్ణి అనుగ్రహించాడు. చంద్రుడు తన పదహారు కళలలో ఒకటి పరమేశ్వరుడికి సమర్పించగా, ఆ కళను తలపై ధరించి ఆయన సోమశేఖరుడయ్యాడు. సోమ శబ్దానికి చంద్రుడు అనే అర్థంతోపాటు ఉమతో కూడినవాడు అనే అర్థంకూడా ఉంది. అంటే అర్ధనారీశ్వరుడు. ఆ పేరుతో ఉన్న సోమవారం, అది కూడా కార్తిక సోమవారం శివుడికి ప్రీతిపాత్రమై ప్రసిద్ధి పొందింది. కార్తిక సోమవారం నాడు నదీస్నానం, దీపారాధన, దీపదానం, ఉపవాసం, శివార్చన, రుద్రాభిషేకం భక్తితో నిర్వహించాలని పెద్దలు చెబుతారు

- మల్లాప్రగడ శ్రీమన్నారాయణమూర్తి