జీవ భావన నుంచి ఆత్మవైపు...

ధర్మ సందేహం

జపమాలకు చూపుడు వేలు తాకకూడదు అంటారు ఎందుకు?

- నవీన్‌, బెంగళూరు

సర్వసాధారణంగా పవిత్రకార్యాల విషయంలో చూపుడు వేలు నిషేధించారు పెద్దలు. దైవారాధన, మంత్రజపమూ పవిత్రమైన హృదయంతో సాగాలని, ఆ క్రియ కూడా అంతే శుద్ధిగా ఉండాలనేది వారి అభిప్రాయం. వేదాంత సంప్రదాయంలో చూపుడు వేలు జీవాత్మకు ప్రతీక. జీవభావన నుంచి ఆత్మ భావనకు చేసే ఆధ్యాత్మిక ప్రయాణమే సాధన. మంత్ర జపం లక్ష్యం అదే. అందువల్ల జప సమయంలో జపలమాలకు చూపుడు వేలు తాకకుండా చేయమన్నారు. జీవభావన విడిచి దైవచింతనతో కూడిన మనస్సుతో చేసే మంత్రజప సాధన మాత్రమే సత్ఫలితాన్నిస్తుంది. ఈ భావానికి సంకేతంగా చూపుడు వేలును నిషేధించారు.

-మల్లాప్రగడ శ్రీమన్నారాయణ