..ఏ దోషం రాదు!

ధర్మసందేహం 

ఉప్పు, నూనె, నువ్వులు, కారం చేతికి తీసుకుంటే దోషం వస్తుందంటారు.. నిజమేనా? 
ఉప్పు, నూనె, నువ్వులు, కారం వంటివి చేతికి సరాసరి తీసుకోవడం దోషమని మన పెద్దలు చెప్పారు. మనం కొంచెం వివేచన చేసి పరిశీలిస్తే, ఆ పదార్థాలు ప్రత్యక్షంగా చేతికి తీసుకోవడంలో కొంత అసౌకర్యం ఉన్నదని గమనించవచ్చు. అంతేకాక ఉప్పుకారాలు అంటిన చేయి కంటికి తగిలితే చాలా ఇబ్బంది పడాల్సి వస్తుంది. ఇక నూనె జిడ్డు పదార్థం. జారిపోయే అవకాశం ఉంటుంది. ఈ దృష్టితో నూనెను నేరుగా తీసుకోరాదనే నియమం వచ్చి ఉంటుంది. నువ్వులు ప్రధానంగా పితృకార్యాలలో వినియోగిస్తారు. అశుభ సందర్భంలో ఉపయోగించే నువ్వులు ఒకరి చేతి నుంచి మరొకరు తీసుకోవడం మంచిది కాదని ఈ విధానం వాడుకలోకి వచ్చింది. కానీ, నువ్వులు చేతికి తీసుకున్నంత మాత్రాన దోషాలు వస్తాయని అనుకోవాల్సిన పనిలేదు. దీనికి శాస్త్రీయమైన ఆధారాలు లేవు.