కృష్ణోపదేశం

మహావీరుడైన అర్జునుడు చేతులు కంపిస్తుండగా ‘ఈ మనసు చంచలమైంది, అల్లకల్లోలమైంది, బలమైంది, మూర్ఖపు పట్టుగలది. దీన్ని నిగ్రహించటం వీచేగాలిని అదుపుచేయటం కన్నా కష్టం కృష్ణా’ అన్నాడు. చేతిలో ఉన్న విల్లు కింద పడింది. అతణ్ణలా వైరాగ్యస్థితిలో చూస్తూ ‘దక్కే ఫలితం నీ చేతుల్లో లేదు. కాబట్టి దాని గురించి ఆలోచించకు. చేసే పని మాత్రమే నీ అధీనంలో ఉంది. నువ్వు మొదలుపెట్టింది పూర్తిచెయ్యి. చేస్తున్న పని మీదే దృష్టి నిలిపితే ఫలితం గురించీ, ఎదురయ్యే పరిస్థితులూ, పరిణామాల గురించీ ఆలోచన ఉండదు. మనం ఎంత బలవంతులం అన్నది ముఖ్యం కాదు మనసు ఎంత బలంగా ఉందనేదే ముఖ్యం’ అంటూ హితబోధ చేశాడు కృష్ణుడు.

- కరణం నవ్యశ్రీ