ఏది ముఖ్యం?!

ఇస్లాం సందేశం

ఒకరోజు ఇస్రా నగరానికి నిప్పంటుకుంది. ఊరంతా దగ్ధమైపోతోంది. హజ్రత్‌ మాలిక్‌ బిన్‌ దీనార్‌ (రహ్మాలై) ఇల్లు కూడా తగలబడుతోంది. ఆయన వెంటనే తన చేతి కర్ర, దుప్పటి, చెప్పులు తీసుకుని బయటకొచ్చి నిలబడ్డారు. అది చూసిన చుట్టుపక్కల వారు ఆశ్చర్యపోతూ ‘అయ్యో ఇల్లు తగలబడిపోతుంటే అలా నిలబడ్డారేంటి? సామానంతా కాలిపోతుంటే బయటకు తీసుకురాలేదేం?’ అన్నారు.‘ఇంట్లో ఉన్నదంతా చేత్తో పట్టుకొచ్చేశాను. పెద్దగా బరువులు పోగుచేయలేదు కనుక తేలిగ్గా బయటపడ్డాను. సొమ్ములు పెరిగేకొద్దీ భ్రాంతులు ఎక్కువవుతాయి’ అన్నారాయన.

ప్రాపంచిక జీవితం ఒక పరీక్షావేదిక. ఇక్కడ ఆస్తులను స్వార్థం కోసం కాకుండా దైవమార్గంలో వెచ్చించాలన్నది ఆయన సందేశం.

- తహూరా సిద్దీఖా