హనుమ వాహనం ఒంటె

వాయువేగంతో ఆకాశంలో దూసుకుపోయే ఆంజనేయుడే మనందరికీ తెలుసు. కానీ కొన్ని ప్రాంతాల్లో హనుమ వాహనంగా ఒంటె కనిపిస్తుంది. దీనికి సంబంధించిన కథ పరాశర సంహితలో ఉంది. భీకర యుద్ధానంతరం దుందుభిని వధించాడు వాలి. మృతదేహాన్ని రుష్యమూక పర్వతంపై పడేసి వెళ్లిపోయాడు. ఈ సంఘటన వాలి, సుగ్రీవుల మధ్య వైరం రగిలించింది. దుందుభి మృతదేహాన్ని రుష్యమూక పర్వతంపై పడేయడాన్ని అక్కడే తపస్సు చేసుకుంటున్న మాతంగ ముని చూశాడు. ‘వాలి కనుక మళ్లీ ఈ పర్వతం మీద కాలు మోపాడో మరణిస్తాడు’ అంటూ మాతంగ ముని శపించాడు. తర్వాత కాలంలో సుగ్రీవుణ్ణి చంపడానికి వాలి సిద్ధమయ్యాడు. ఈ శాపోదంతం గురించి ముందే తెలిసిన సుగ్రీవుడు రుష్యమూక పర్వతానికి వెళ్లి దాక్కున్నాడు. ఆ సమయంలో సుగ్రీవుణ్ణి చూసేందుకు వచ్చిన హనుమంతుడు పంపా సరోవరాన్ని చూడాలనుకున్నాడు. హనుమ సరోవర తీరంలో తిరగడానికి అనువుగా ఒంటెను సిద్ధం చేశాడు సుగ్రీవుడు. అలా ఒంటె స్వామికి వాహనం అయ్యిందని కథనం.                -

బొగ్గరపు వెంకటేష్‌ ఎమ్‌.ఎన్‌

• Lord hanuman
• Camel
• War
• Telugu news